കോഴിക്കോട്: മുക്കം കെഎംസിടി ആയുര്വേദ മെഡിക്കല് കോളേജില് രണ്ടാഴ്ചയായി തുടരുന്ന പ്രതിഷേധ സമരം ഒത്തുതീര്പ്പായി. മാനേജ്മെന്റ് അനുകൂല നിലപാട് എടുത്തതോടെയാണ് സമരം ഒത്തുതീര്പ്പിലേക്ക് എത്തിയത്. ശമ്പള വര്ധന, പിരിച്ചുവിട്ട അധ്യാപകരെ തിരിച്ചെടുക്കല് തുടങ്ങിയ ആവശ്യങ്ങള് ഉന്നയിച്ച് കൊളേജിലെ അധ്യാപകരും വിദ്യാര്ത്ഥികളുമാണ് സമരരംഗത്തേക്ക് ഇറങ്ങിയത്. ജോര്ജ്ജ് എം തോമസ് എംഎല്എയുടെ മദ്ധ്യസ്ഥതയിലാണ് ചര്ച്ച നടന്നത്. സമരം ഒത്തു തീര്പ്പായതിനെത്തുടര്ന്ന് നാളെ മുതല് വീണ്ടും ക്ലാസുകള് തുടങ്ങും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ