കണ്ണൂര്‍: മട്ടന്നൂരില്‍ ഇടിമിന്നലേറ്റ് രണ്ട്‌പേര്‍ മരിച്ചു. 19ാം മൈലില്‍ വാടകമുറിയില്‍ താമസിക്കുന്ന ബിഹാര്‍ സ്വദേശികളായ ജയപ്രകാശ് സര്‍ദാര്‍ (32), അമൃത് ലാല്‍ (23) എന്നിവരാണ് മരിച്ചത്. വ്യാഴാഴ്ച രാത്രി 10.15ഓടെയുണ്ടായ മിന്നലിലാണ് അപകടമുണ്ടായത്.
കെട്ടിടത്തിന്റെ മുകളിലുണ്ടായിരുന്ന ഇവര്‍ ഇയര്‍ഫോണ്‍ ഉപയോഗിച്ചതാണ് അപകടത്തിന് കാരണമായതെന്ന് കരുതുന്നു. പെയിന്റിങ് തൊഴിലാളികളാണ് മരിച്ച യുവാക്കള്‍. മിന്നലേറ്റ ഉടനെ മട്ടന്നൂരിലെ സ്വകാര്യ ആസ്പത്രിയിലും തുടര്‍ന്ന് കണ്ണൂര്‍ ജില്ലാ ആസ്പത്രിയിലും എത്തിച്ചെങ്കിലും രക്ഷിക്കാനായില്ല. മൃതദേഹങ്ങള്‍ പരിശോധനയ്ക്കുശേഷം ബീഹാറിലേക്ക് കൊണ്ടുപോകും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
