ബലിയാടില്‍ നിന്നും ഗോലിയാത്തായി ഉയിര്‍പ്പ്; 'പെരിയ'വിജയത്തില്‍ ആറാടി ഉണ്ണിത്താന്‍

ഇടതിന്റെ ഉരുക്ക് കോട്ട യുഡിഎഫിന്റെ ഭാഗമാക്കി രാജ്‌മോഹന്‍ ഉണ്ണിത്താന്‍
ബലിയാടില്‍ നിന്നും ഗോലിയാത്തായി ഉയിര്‍പ്പ്; 'പെരിയ'വിജയത്തില്‍ ആറാടി ഉണ്ണിത്താന്‍

കാസര്‍കോട്: ഇടതിന്റെ ഉരുക്ക് കോട്ട യുഡിഎഫിന്റെ ഭാഗമാക്കി രാജ്‌മോഹന്‍ ഉണ്ണിത്താന്‍. എല്‍ഡിഎഫ് സ്ഥാനാര്‍ത്ഥി സതീഷ് ചന്ദ്രനെ 40,438 വോട്ടുകള്‍ക്കാണ് ഉണ്ണിത്താന്‍ പരാജയപ്പെടുത്തിയത്. ഉണ്ണിത്താന്റെ ആദ്യവിജയമാണിത്.

യുഡിഎഫ് സ്ഥാനാര്‍ത്ഥി രാജ്‌മോഹന്‍ ഉണ്ണിത്താന്‍ 4,74,961 വോട്ടുകള്‍ നേടിയപ്പോള്‍ എല്‍ഡിഎഫ് സ്ഥാനാര്‍ത്ഥി സതീഷ് ചന്ദ്രന് 4,34,523 വോട്ടുകളാണ് ലഭിച്ചത്. ബിജെപി സ്ഥാനാര്‍ത്ഥി രവീശ തന്ത്രി 1,76,049 വോട്ടുകള്‍ നേടി. കാസര്‍കോട് ലോക്‌സഭാ പരിധിയിയില്‍ വരുന്ന ഏഴ് നിയോജകമണ്ഡലങ്ങളില്‍ മഞ്ചേശ്വരവും കാസര്‍കോടും, ഉദുമയും യുഡിഎഫിനൊപ്പം നിന്നപ്പോള്‍ കാഞ്ഞങ്ങാട്, തൃക്കരിപ്പൂര്‍, പയ്യന്നൂര്‍, കല്യാശ്ശേരി മണ്ഡലങ്ങള്‍ എല്‍ഡിഎഫിനൊപ്പം നിന്നു. 

പെരിയ ഇരട്ടക്കൊലപാതകവും അക്രമരാഷ്ട്രീയവുമായിരുന്നു കാസര്‍കോട് മണ്ഡലത്തിലെ മുഖ്യതെരഞ്ഞടുപ്പ് വിഷയം. വിജയത്തിന് പിന്നാലെ സംസ്ഥാനത്തെ മാര്‍ക്‌സിസ്റ്റ് ആക്രമണത്തിനെതിരായ വിധിയെഴുത്താണ് ജനവിധിയെന്നും രാജ്‌മോഹന്‍ ഉണ്ണിത്താന്‍ പറഞ്ഞു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com