പിടിയിലാകാതിരിക്കാന്‍ സിസിടിവി ഹാര്‍ഡ് ഡിസ്‌ക് വരെ മോഷ്ടിച്ചു, അതിബുദ്ധിക്കിടെ സ്വന്തം ഫോണ്‍ മറന്നുവെച്ചു; യുവാവ് അറസറ്റില്‍

സൂപ്പര്‍മാര്‍ക്കറ്റില്‍ മോഷണം നടത്തിയ യുവാവ് പൊലീസ് പിടിയില്‍
പിടിയിലാകാതിരിക്കാന്‍ സിസിടിവി ഹാര്‍ഡ് ഡിസ്‌ക് വരെ മോഷ്ടിച്ചു, അതിബുദ്ധിക്കിടെ സ്വന്തം ഫോണ്‍ മറന്നുവെച്ചു; യുവാവ് അറസറ്റില്‍

തിരുവനന്തപുരം: സൂപ്പര്‍മാര്‍ക്കറ്റില്‍ മോഷണം നടത്തിയ യുവാവ് പൊലീസ് പിടിയില്‍. കടയിലെ സിസിടിവി ക്യാമറയുടെ ഹാര്‍ഡ് ഡിസ്‌ക് വരെ എടുത്ത് തനിലേക്കുളള അന്വേഷണം നീളാതിരിക്കാന്‍ അതിബുദ്ധി കാണിച്ച യുവാവ് മൊബൈല്‍ ഫോണ്‍ മറന്നുവെച്ചതാണ് പൊലീസിന് തുമ്പായത്. തുടര്‍ന്ന് നടത്തിയ അന്വേഷണത്തില്‍ കളിയല്‍ സ്വദേശി സഞ്ചുവിനെ അറസ്റ്റ് ചെയ്തു.

കുലശേഖരത്തിനു സമീപം പിണന്തോടിലുള്ള ജോണ്‍ എബിനേസറുടെ ഉടമസ്ഥതയിലുള്ള സൂപ്പര്‍മാര്‍ക്കറ്റിലാണ് സംഭവം. കഴിഞ്ഞ ദിവസം രാത്രി കട പൂട്ടിപ്പോയ എബിനേസര്‍ ഇന്നലെ രാവിലെ കട തുറക്കാനെത്തിയപ്പോഴാണ് ഷട്ടറിലെ പൂട്ട് തകര്‍ന്ന നിലയില്‍ കണ്ടത്. 

പരിശോധനയില്‍ കടയില്‍ സൂക്ഷിച്ചിരുന്ന 60,000 രൂപയും വസ്തുക്കളും മോഷണം പോയതായി അറിയാന്‍ കഴിഞ്ഞു. കടയ്ക്കുള്ളിലുണ്ടായിരുന്ന സിസിടിവി ക്യാമറയുടെ ഹാര്‍ഡ് ഡിസ്‌ക്കും മോഷണം പോയി.കടയ്ക്കുള്ളില്‍ നിന്ന് ലഭിച്ച മൊബൈല്‍ ഫോണ്‍ നമ്പരില്‍ നിന്നും കിട്ടിയ വിലാസത്തെ പിന്തുടര്‍ന്ന് പൊലീസ് നടത്തിയ അന്വേഷണത്തില്‍ പ്രതി പിടിയിലാകുകയായിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com