പത്തനംതിട്ട: സംസ്ഥാനത്ത് വീണ്ടും എച്ച്1 എന്‍1 പനിമരണം റിപ്പോര്‍ട്ട് ചെയ്തു. കഴിഞ്ഞ ദിവസം പത്തനംതിട്ട മല്ലപ്പള്ളിയിൽ ഒൻപതുവയസ്സുകാരി മരിച്ചത് എച്ച്1 എന്‍1 പനി ബാധിച്ചാണെന്നാണ് സ്ഥിരീകരണം.
കടുത്ത പനിയെ തുടര്‍ന്ന് ചികിത്സ തേടിയിരുന്ന കുട്ടിയുടെ മരണം എച്ച്1 എൻ1 മൂലമാണെന്ന് വിശദമായ പരിശോധനയിലാണ് കണ്ടെത്തിയത്. പനി ബാധിച്ചതിനെ തുടർന്ന് കോട്ടയം മെഡിക്കൽ കോളജ് ആശുപത്രിയിൽ ചികിൽസയിലായിരുന്ന കുട്ടി. ഈ മാസം ഇരുപത്തിനാലാം തിയതിയാണ് മരണം.
വിവിധ ജില്ലകളില്‍ എച്ച്1 എന്‍1 പനി റിപ്പോര്‍ട്ട് ചെയ്തിട്ടുണ്ട്. പനി ബാധിതരുടെ എണ്ണം കൂടി വരുന്നതിനാൽ പൊതുജനങ്ങള്‍ ജാഗ്രത പാലിക്കണമെന്ന് ആരോഗ്യവകുപ്പ് മുന്നറിയിപ്പ് നൽകി. ഗർഭിണികൾ, കുട്ടികൾ, മറ്റ് ഗുരുതര രോഗങ്ങളുള്ളവർ, പ്രായമായവർ എന്നിവർ ജാഗ്രത പാലിക്കണമെന്ന് ജില്ലാ ആരോഗ്യ വകുപ്പ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
