മലപ്പുറം: വിദേശത്തു നിന്നെത്തിയ യുവാവ് കാലില്‍ കെട്ടിവെച്ചു കടത്തിയ 50 ലക്ഷത്തിന്റെ സ്വര്‍ണം കരിപ്പൂര്‍ വിമാനത്താവളത്തില്‍ പിടികൂടി. കണ്ണൂര്‍ സ്വദേശി ഷഹ്ജാസില്‍ നിന്നാണ് എയര്‍ കസ്റ്റംസ് ഇന്റലിജന്‍സ് വിഭാഗം സ്വര്‍ണം പിടികൂടിയത്.
ശനിയാഴ്ച രാവിലെ അബുദാബിയില്‍ നിന്നെത്തിയ ഇത്തിഹാദ് വിമാനത്തിലാണ് യുവാവ് വന്നത്. സ്വര്‍ണ മിശ്രിതം പ്ലാസ്റ്റിക് കവറില്‍ പൊതിഞ്ഞ് കാല്‍മുട്ടിന് താഴെ ഒട്ടിച്ചിരിക്കുകയായിരുന്നു. 1.710 കിലോ ഗ്രാം സ്വര്‍ണമിശ്രിതമാണ് യുവാവില്‍ നിന്ന് കണ്ടെടുത്തത്. സ്വര്‍ണത്തിന് വിപണിയില്‍ 50 ലക്ഷത്തോളം വിലവരും.
ഡെപ്യൂട്ടി കമ്മിഷണര്‍ നിധിന്‍ലാല്‍, അസിസ്റ്റന്റ് കമ്മിഷണര്‍ ഡി.എന്‍. പന്ത്, ഗോകുല്‍ദാസ്, ബിമല്‍ദാസ്, ഐസക് വര്‍ഗീസ്, അഭിനവ്, വിജില്‍, റഹീസ്, ശില്‍പ, രാമേന്ദര്‍, ഫ്രാന്‍സിസ് എന്നിവര്‍ ചേര്‍ന്നാണ് സ്വര്‍ണം പിടികൂടിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
