കൊച്ചി: കൊച്ചി നഗരത്തിലെ തകര്ന്ന റോഡുകളുടെ അറ്റകുറ്റപ്പണി വൈകുന്നതില് കടുത്ത അതൃപ്തി പ്രകടിപ്പിച്ച് ഹൈക്കോടതി. ശോചനീയാവസ്ഥയിലായ റോഡുകള് യുദ്ധകാലാടിസ്ഥാനത്തില് നന്നാക്കണമെന്ന് ഹൈക്കോടതി ഉത്തരവിട്ടു. ഈ മാസം 15നകം റോഡുകള് നന്നാക്കാന് നടപടിയെടുക്കണമെന്നാണ് കോടതി നിര്ദേശം നല്കിയത്.
കൊച്ചി നഗരസഭയ്ക്കും ജിസിഡിഎയ്ക്കുമാണ് ഹൈക്കോടതി നിര്ദേശം നല്കിയത്. റോഡുകള് നന്നാക്കാന് ഇനി അമേരിക്കയില്നിന്ന് ആളെ കൊണ്ടുവരണമോ എന്നും കോടതി ചോദിച്ചു. നവംബര് 15 നകം റോഡുകള് നന്നാക്കാന് നടപടി ഉണ്ടായില്ലെങ്കില് ഉദ്യോഗസ്ഥരെ വിളിച്ചുവരുത്തുമെന്നും ഹൈക്കോടതി വ്യക്തമാക്കി.
റോഡുകളുടെ ശോചനീയാവസ്ഥ ചൂണ്ടിക്കാട്ടി സമര്പ്പിച്ച ഒരുകൂട്ടം ഹര്ജികള് പരിഗണിക്കുമ്പോഴാണ് കോര്പ്പറേഷനെതിരെ ഹൈക്കോടതി വീണ്ടും കടുത്ത വിമര്ശനം ഉന്നയിച്ചത്. റോഡുകള് സഞ്ചാരയോഗ്യമാക്കാന് അടിയന്തര ഇടപെടല് ഉണ്ടാകണമെന്നും കോടതി ഉത്തരവിട്ടു. കൊച്ചി നഗരത്തിലെ റോഡുകളുടെ ശോചനീയാവസ്ഥയില് ഹൈക്കോടതി നേരത്തെ സ്വമേധയാ കേസെടുത്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ