കൊച്ചി: മാവോയിസ്റ്റുകളെ സഹായിക്കുന്നത് മുസ്ലീം തീവ്രവാദ സംഘടനകളെന്ന സിപിഎം കോഴിക്കോട് ജില്ലാ സെക്രട്ടറി പി മോഹനന്റെ പരാമര്ശത്തില് വിമര്ശനവുമായി കോണ്ഗ്രസ് നേതാവ് വി ടി ബല്റാം. പേര് നോക്കി ചാപ്പ കുത്തുന്നതാരാണെന്ന് ഇപ്പോള് വ്യക്തമായില്ലേ എന്ന മുഖവുരയോടെ ഫെയ്സ്ബുക്കിലാണ് ബല്റാം വിമര്ശനം പങ്കുവെച്ചത്.
'മാവോയിസ്റ്റ് തീവ്രവാദത്തിന് പിന്തുണ നല്കുന്നത് കോഴിക്കോട്ടെ മുസ്ലീം തീവ്രവാദ പ്രസ്ഥാനങ്ങളാണ് എന്നതിന് ഏതെങ്കിലും ആധികാരിക തെളിവ് ഉണ്ടെങ്കില് അത് വെളിപ്പെടുത്തേണ്ടത് സിപിഎം ജില്ലാ സെക്രട്ടറിയല്ല. സംസ്ഥാന ആഭ്യന്തര വകുപ്പ് മന്ത്രിയാണ്. അങ്ങനെ തെളിവില്ല എങ്കില് അനാവശ്യമായി മനപൂര്വ്വം വര്ഗീയ പ്രകോപനം ഉണ്ടാക്കുന്നതിന്റെ പേരില് പി മോഹനനെതിരെ കേസെടുക്കാന് പൊലീസ് തയ്യാറാകണം.'- വി ടി ബല്റാം കുറിച്ചു
വി ടി ബല്റാമിന്റെ പോസ്റ്റ്
പേര് നോക്കി ചാപ്പ കുത്തുന്നതാരാണെന്ന് ഇപ്പോള് വ്യക്തമായില്ലേ?
നേരത്തെ ഒരു ജനകീയ സമരത്തിലെ മുസ്ലിം സാന്നിദ്ധ്യത്തെക്കുറിച്ച് ഏഴാം നൂറ്റാണ്ടിലെ പ്രാകൃതബോധമെന്ന് ആക്ഷേപിച്ച അതേ കോഴിക്കോട്ടെ സിപിഎം തന്നെയാണ് ഇപ്പോള് സ്വന്തം പാര്ട്ടിയിലെ മുസ്ലിം നാമധാരികളായ രണ്ട് വിദ്യാര്ത്ഥികളെ യുഎപിഎ നിയമമുപയോഗിച്ച് ജയിലിലിട്ട വിഷയത്തിലും ഇസ്ലാമിക തീവ്രവാദമെന്ന ചാപ്പയുമായി ഇറങ്ങിയിട്ടുള്ളത്. മാവോയിസമെന്നത് കമ്മ്യൂണിസ്റ്റ് തീവ്രവാദമാണ്. ആ ചെറുപ്പക്കാരെ ആകര്ഷിച്ച പ്രത്യയശാസ്ത്രവും കമ്മ്യൂണിസമാണ്. അതിന് അപകടകരമായ തരത്തില് പിന്തുണ നല്കുന്നത് കോഴിക്കോട്ടെ ''മുസ്ലിം തീവ്രവാദ പ്രസ്ഥാനങ്ങളാ'ണെന്ന ഏതെങ്കിലും ആധികാരിക തെളിവ് ഉണ്ടെങ്കില് അത് വെളിപ്പെടുത്തേണ്ടത് സിപിഎം ജില്ലാ സെക്രട്ടറിയല്ല, സംസ്ഥാന ആഭ്യന്തര വകുപ്പ് മന്ത്രിയാണ്. അങ്ങനെ തെളിവില്ല എങ്കില് അനാവശ്യമായി മനപൂര്വ്വം വര്ഗീയ പ്രകോപനം ഉണ്ടാക്കുന്നതിന്റെ പേരില് പി മോഹനനെതിരെ കേസെടുക്കാന് പോലീസ് തയ്യാറാകണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ