തിരുവനന്തപുരം; സഹോദരങ്ങൾ സഞ്ചരിച്ചിരുന്ന ബൈക്ക് നിയന്ത്രണം തെറ്റി മറിഞ്ഞ് പ്ലസ് വൺ വിദ്യാർത്ഥി മരിച്ചു. ചെറുകുന്നം കണ്ണങ്കര വീട്ടിൽ നൗഷാദിന്റെ മകൻ അബ്ദുൽ സമദ് (16) ആണ് മരിച്ചത്. കൂടെയുണ്ടായിരുന്ന 14കാരന് ഗുരുതരമായി പരിക്കേറ്റു. ബുധനാഴ്ച പകൽ മൂന്നിന് വർക്കല പാലച്ചിറ സ്കൂളിന് സമീപമാണ് അപകടമുണ്ടായത്.
വടശ്ശേരിക്കോണത്ത് നിന്നും പാലച്ചിറയിലേയ്ക്ക് വരുമ്പോഴായിരുന്നു അപകടം. ബൈക്കില് വരുന്ന വഴിയിൽ ഇവർ സഞ്ചരിച്ച ബൈക്ക് മറ്റൊരു ബൈക്കിൽ തട്ടി. എന്നാല് വാഹനം നിര്ത്താതെ ഇവര് ഓടിച്ച് പോന്നു. ഇതിനിടെ ബൈക്ക് നിയന്ത്രണം തെറ്റി മറിയുകയായിരുന്നു.
അപകടത്തില് തലയ്ക്ക് ഗുരുതര പരിക്കേറ്റ യുവാക്കളെ അടുത്തുള്ള സ്വകാര്യ ആശുപത്രിയിലും തുടർന്ന് മെഡിക്കൽ കോളെജ് ആശുപത്രിയിലും പ്രവേശിപ്പിച്ചെങ്കിലും അബ്ദുൽ സമദ് മരിച്ചു. ബൈക്കിന് പുറകിലിരുന്ന് സഞ്ചരിച്ച അബ്ദുൽ സമദിന്റെ മാതൃസഹോദരി പുത്രൻ നഹാൽ ചികിത്സയിലാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ