കല്പ്പറ്റ: മഹാരാഷ്ട്രയില് കോണ്ഗ്രസ് ശിവസേനയുമായി ചേര്ന്ന് സര്ക്കാരുണ്ടാക്കുന്ന സാഹചര്യം ഒഴിവായതില് സന്തോഷമുണ്ടെന്ന് പ്രതിപക്ഷ നേതാവ് രമേശ് ചെന്നിത്തല. ബിജെപിയുമായി ചേര്ന്ന എന്സിപി ഇടതു മുന്നണിയില് തുടരുന്നതില് സിപിഎം നിലപാടു വ്യക്തമാക്കണമെന്ന് രമേശ് ചെന്നിത്തല ആവശ്യപ്പെട്ടു.
''എനിക്കു വലിയ ആശ്വാസമുണ്ടാക്കുന്ന കാര്യമാണ്. എന്തായാലും ശിവസേനയുമായി ഒരു സര്ക്കാരുണ്ടാകാതെ പോയല്ലോ'' - മഹാരാഷ്ട്രാ സംഭവവികാസങ്ങളെക്കുറിച്ച് ചെന്നിത്ത പ്രതികരിച്ചു.
ബിജെപിയുമായി ചേര്ന്ന എന്സിപിയെ ഇടതു മുന്നണി പുറത്താക്കണം. എന്സിപിയുടെ മന്ത്രിമാരെ പുറത്താക്കുകയോ അവര് രാജിവയ്ക്കുകയോ വേണം. ഇക്കാര്യത്തില് സിപിഎം നിലപാടു വ്യക്തമാക്കണമെന്നും ചെന്നിത്തല ആവശ്യപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ