കൊച്ചി: ടെലിഗ്രാം മൊബൈൽ ആപ് രാജ്യത്ത് നിരോധിക്കണമെന്നാവശ്യപ്പെട്ട് ഹൈക്കോടതിയിൽ ഹർജി. കോഴിക്കോട് തിരുവമ്പാടി സ്വദേശിനിയായ നിയമവിദ്യാർഥിനി അഥീന സോളമനാണ് ഹർ നൽകിയിരിക്കുന്നത്.
ടെലിഗ്രാം ആപ്പിലൂടെ സ്ത്രീകളുടെയും കുട്ടികളുടെയും നഗ്ന ചിത്രങ്ങളും വിഡിയോയും വ്യാപകമായി പ്രചരിപ്പിക്കുന്നുണ്ടെന്ന് ഹർജിയിൽ പറയുന്നു. ഇത് തടയാൻ നടപടി വേണം. 2013ൽ റഷ്യയിൽ സെക്യൂരിറ്റി ഏജൻസികൾക്ക് പിടികൂടാനാവാത്ത തരത്തിൽ തുടങ്ങിയ ആപ്പ് ആണ് ടെലിഗ്രാം.
ഇന്ത്യയിൽ ലൈസൻസോ അനുമതിയോ ഇല്ലാതെയാണ് ടെലിഗ്രാം പ്രവർത്തിക്കുന്നതെന്നും ദൃശ്യങ്ങൾ പ്രചരിപ്പിക്കുന്നവരെ കണ്ടെത്താനാവാത്ത സാഹചര്യമുണ്ടെന്നും ഹർജിയിൽ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ