വാടകയ്ക്ക് രോഗികളെ എത്തിച്ചു; വര്ക്കല എസ്ആര് മെഡിക്കല് കോളജിനെതിരെ ക്രൈംബ്രാഞ്ച് അന്വേഷണത്തിന് ശുപാര്ശ
വര്ക്കല: വര്ക്കല എസ്ആര് മെഡിക്കല് കോളജിനെതിരെ ക്രൈംബ്രാഞ്ച് അന്വേഷണത്തിന് ശുപാര്ശ. ക്രിമിനില് കേസെടുത്ത് അന്വേഷിക്കണമെന്നാണ് വിജിലന്സ് റിപ്പോര്ട്ട് നല്കിയിരിക്കുന്നത്. മെഡിക്കല് കൗണ്സിലിനെ കബളിപ്പിക്കാന് വാടക രോഗികളെ ഇറക്കിയെന്ന കണ്ടെത്തലിലാണ് കേസെടുക്കുന്നത്.
മെഡിക്കല് കൗണ്സിലിന്റെ പരിശോധനയ്ക്ക് മുമ്പായി ആശുപത്രിയിലേക്ക് രോഗികളെ കൊണ്ടുവരുന്ന ദൃശ്യങ്ങള് കോളജിലെ എംബിബിഎസ് വിദ്യാര്ത്ഥികള് തന്നെയായിരുന്നു പുറത്തുവിട്ടത്.സ്റ്റാന്ഡ് വിത്ത് സ്റ്റുഡന്റ്സ് ഓഫ് എസ്.ആര് മെഡിക്കല് കോളജ് എന്ന ഫെയ്സ്ബുക്ക് പേജിലൂടെയായിരുന്നു ദൃശ്യങ്ങള് പുറത്തുവിട്ടത്.
മെഡിക്കല് കോളജിലേക്കായി രോഗികളെ വാഹനത്തില് കോളജിന്റെ പുറകിലൂടെ എത്തിക്കുകയും പിന്നീട് ഇവരെ വാര്ഡുകളില് രോഗികളായി കിടത്തുകയും ആയിരുന്നെന്നും പണം നല്കിയത് കൊണ്ടാണ് ഇവര് എത്തിയതെന്നുമാണ് വീഡിയോയില് പറയുന്നത്.വിദ്യാര്ഥികള് തന്നെയാണ് മുഖ്യമന്ത്രിക്ക് പരാതി നല്കിയത്.
കോളജിനെതിരെ ക്രിമിനല് കേസെടുക്കണമെന്നും അമിതമായ ഫീസ് നല്കി യാതൊരു അടിസ്ഥാന സൗകര്യവുമില്ലാത്ത കോളജില് പഠിക്കുന്ന വിദ്യാര്ത്ഥികളെ എത്രയും വേഗം നല്ല സൗകര്യങ്ങളുള്ള മികച്ച കോളജുകളിലേക്ക് മാറ്റാനുള്ള നടപടിയെടുക്കണമെന്നും വിജിലന്സ് റിപ്പേര്ട്ടില് നിര്ദേശങ്ങള് വെക്കുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ