കോഴിക്കോട്: കുറ്റിയാടി മരുതോങ്കര പഞ്ചായത്തിലെ ജാനകിക്കാട്ടില് പുള്ളിമാന്കുട്ടിയെ പാതി വിഴുങ്ങി പെരുമ്പാമ്പ്. ആളുകള് ബഹളമുണ്ടാക്കിയതിനെ തുടര്ന്ന് മാന് കുഞ്ഞിനെ പാമ്പ് പുറന്തളളി. പക്ഷേ മാന്കുട്ടി ചത്തു.
തൃക്കൈപറമ്പ് ക്ഷേത്രത്തിനടുത്തായി വനഭൂമിയില് ബുധനാഴ്ച രാവിലെ ഒമ്പതിനായിരുന്നു സംഭവം.മാന്കുട്ടിയെ പെരുമ്പാമ്പ് വരിഞ്ഞുമുറുക്കി പാതിയോളം അകത്താക്കിയ നിലയിലാണ് ആളുകള് കാണുന്നത്. തുടര്ന്ന് ബഹളമുണ്ടാക്കിയപ്പോള് പുള്ളിമാന്കുട്ടിയെ പുറന്തള്ളിയ ശേഷം പത്തടിയോളം നീളമുള്ള പെരുമ്പാമ്പ് കാട്ടിലേക്ക് ഇഴഞ്ഞുനീങ്ങി. സ്ഥലത്തെത്തിയ വനപാലകര് നാട്ടുകാരുടെ സഹായത്തോടെ മാന്കുഞ്ഞിന്റെ ജഡം കുഴിച്ചുമൂടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ