പത്തനംതിട്ട: കോന്നിയിലെ ഉപതെരഞ്ഞെടുപ്പ് പ്രചാരണത്തിനിടെ വൈദ്യുതി മന്ത്രി എംഎം മണിയുടെ തലയ്ക്ക് പരുക്കേറ്റു. എല്‍ഡിഎഫ് സ്ഥാനാര്‍ത്ഥി അഡ്വ. കെ യു ജനീഷ് കുമാറിന് വേണ്ടിയുള്ള പ്രചാരണത്തിനിടെയാണ് മന്ത്രിക്ക് ഗെയ്റ്റില്‍ തലയിടിച്ച് പരുക്കേറ്റത്.
ചിറ്റാറില്‍ വച്ചാണ് ഒരു വീടിന്റെ ഗെയ്റ്റ് തട്ടി മന്ത്രിയുടെ തലയ്ക്ക് പരുക്ക് പറ്റിയത്. ഇതേ തുടര്‍ന്ന് പത്തനംതിട്ട ജനറല്‍ ആശുപത്രിയില്‍ എംഎം മണി ചികിത്സ തേടി. പരുക്ക് നിസാരമാണെന്ന് ആശുപത്രി അധികൃതര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
