തിരുവനന്തപുരം; ട്രാക്കിലെ അറ്റകുറ്റപ്പണികള്‍ കാരണം കായംകുളം- കൊല്ലം സെക്ഷനില്‍ 12ന് ട്രെയിനുകള്‍ വൈകും. പല ട്രെയിനുകളും മണിക്കൂറുകള്‍ വൈകാനും സാധ്യതയുണ്ട്. കൂടാതെ ചില ട്രെയ്‌നുകള്‍ ഭാഗികമായി റദ്ദാക്കി.
പാലക്കാട്- തിരുനെല്‍വേലി പാലരുവി എക്‌സ്പ്രസ്, ഗുരുവായൂര്‍- ചെന്നൈ എഗ്മൂര്‍ എക്‌സ്പ്രസ് എന്നിവ ഈ സെക്ഷനില്‍ 1.05 മണിക്കൂര്‍ വീതം വൈകും. കോട്ടയം വഴിയുള്ള എറണാകുളം - കൊല്ലം പാസഞ്ചര്‍ കായംകുളം മാത്രമായിരിക്കും സര്‍വീസ് നടത്തുക. ആലപ്പുഴ വഴിയുള്ള എറണാകുളം - കൊല്ലം മെമുവും കായംകുളം വരെ മാത്രമായിരിക്കും. കൊല്ലം- കോട്ടയം പാസഞ്ചര്‍ കായംകുളം മുതല്‍ കൊല്ലം വരെയും കൊല്ലം- എറണാകുളം മെമു കായംകുളം മുതല്‍ എറണാകുളം വരെയുംമായിരിക്കും സര്‍വീസ് നടത്തുക.
കൂടാതെ മംഗളൂര്‍- തിരുവനന്തപുരം എക്‌സ്പ്രസ് 20 മിനിറ്റും മധുര- തിരുവനന്തപുരം അമൃത എക്‌സ്പ്രസ് 10 മിനിറ്റും നിലമ്പൂര്‍ - കൊച്ചുവേളി രാജ്യറാണി എക്‌സ്പ്രസ് 10 മിനിറ്റും പെരിനാട് സ്റ്റേഷനില്‍ പിടിച്ചിടും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
