ലഖ്നൗ: ഉത്തര്പ്രദേശിലെ ഗോരഖ്പൂരിലുള്ള ബിആര്ഡി മെഡിക്കല് കോളേജില് മലയാളി പിജി വിദ്യാര്ത്ഥിയുടെ ആത്മഹ്യ വകുപ്പ് മേധാവിയുടെയും സീനീയര് വിദ്യാര്ത്ഥികളുടെയും പീഡനത്തെ തുടര്ന്നെന്ന് ബന്ധുക്കള്. പത്തനംതിട്ട ഓമല്ലൂര് സ്വദേശി ഡോ വിനീത് നായര് ആണ് നേപ്പാളില് മരിച്ച നിലയില് കണ്ടെത്തിയത്.
ഗോരഖ്പൂരിലെ ബിആര്ഡി മെഡിക്കല് കോളേജില് ഒന്നാം വര്ഷ എംഎസ് വിദ്യാര്ത്ഥിയായിരുന്നു ഡോ വിനീത് നായര്. ഈ മാസം ഏഴിനാണ് ഇയാളെ നേപ്പാളിലെ ഹോട്ടല് മുറിയില് മരിച്ച നിലയില് കണ്ടെത്തിയത്. ജോലിഭാരവും മാനസിക പീഡനവും താങ്ങാനാകാതെയാണ് ഡോ വിനീത് ആത്മഹത്യ ചെയ്തതെന്ന് സഹപാഠികളും ബന്ധുക്കളും ആരോപിച്ചു.
മാനസിക സമ്മര്ദ്ദത്തെ തുടര്ന്ന് വിനീത് കുറച്ച് നാള് ക്ലാസില് പോയിരുന്നില്ല. തുടര്ന്ന് കോളജില് എത്തിയപ്പോള് വകുപ്പ് മേധാവി ആറുമാസം അധികം ക്ലാസില് തുടരേണ്ടിവരുമെന്ന് അറിയിച്ചു.
നാട്ടിലെത്തിച്ച വനിതീന്റെ മൃതദേഹം വീട്ടുവളപ്പില് സംസ്കരിച്ചു. മരണത്തിന് ഉത്തരവാദികളായവര്ക്കെതിരെ നടപടി വേണമെന്നാവാശ്യപ്പെട്ട് ബിആര്ഡി മെഡിക്കല് കോളജില് ഒന്നാം വര്ഷ വിദ്യാര്ത്ഥികളുടെ പ്രതിഷേധം തുടരുകയാണ്. കോളേജ് അധികൃതര്ക്കെതിരെ വീട്ടുകാര് ദേശീയ മനുഷ്യാവകാശ കമ്മിഷന് അടക്കമുള്ളവര്ക്ക് പരാതി നല്കാനൊരുങ്ങുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ