തിരുവനന്തപുരം: മന്ത്രി കെടി ജലീല് മാര്ക്ക് ദാനം നടത്തി തോറ്റവരെ ജയിപ്പിച്ചെന്ന് പ്രതിപക്ഷ നേതാവ് രമേശ് ചെന്നിത്തല. എംജി സര്വകലാശാലയിലെ എന്ജിനിയറിങ് വിദ്യാര്ഥിക്ക് അദാലത്തിലൂടെ മാര്ക്ക് കൂട്ടി നല്കിയ സംഭവത്തില് ജുഡീഷ്യല് അന്വേഷണം നടത്തണം. അന്വേഷണ കാലയളവില് മന്ത്രി രാജിവച്ച് മാറിനില്ക്കണമെന്നും പ്രതിപക്ഷ നേതാവ് വാര്ത്താ സമ്മേളനത്തില് ആവശ്യപ്പെട്ടു.
എംജി സര്വകലാശാല എന്ജിനിയറിങ് ആറാം സെമസ്റ്ററിലെ സപ്ലിമെന്ററി പരീക്ഷയില് ഒരുമാര്ക്കിന് തോറ്റ വിദ്യാര്ഥിക്കാണ് അദാലത്തിലൂടെ മാര്ക്ക് കൂട്ടിനല്കി വിജയിപ്പിക്കാന് തീരുമാനിച്ചത്. നാഷണല് സര്വീസ് സ്കീം അനുസരിച്ച് മാര്ക്ക് കൂട്ടി നല്കണമെന്ന വിദ്യാര്ഥിയുടെ അപേക്ഷ നേരത്തെ സര്വകലാശാല തള്ളിയിരുന്നു. തുടര്ന്നാണ് ഇതേ ആവശ്യവുമായി വിദ്യാര്ഥി അദാലത്തില് പങ്കെടുത്തത്- ചെന്നിത്തല പറഞ്ഞു.
അദാലത്തിലൂടെ മാര്ക്ക് കൂട്ടി നല്കാന് മന്ത്രി ആവശ്യപ്പെട്ടിരുന്നു. ഇത് സര്വകലാശാല അധികൃതര് തള്ളിയപ്പോള് വിഷയം സിന്ഡിക്കേറ്റില് അവതരിപ്പിച്ചു. ഔട്ട് ഓഫ് അജന്ഡയായാണ് വിഷയം അവതരിപ്പിച്ചത്. തുടര്ന്ന് ഒരുവിഷയത്തില് തോറ്റ എല്ലാവര്ക്കും മോഡറേഷന് പുറമേ അഞ്ച് മാര്ക്ക് കൂട്ടിനല്കാനായിരുന്നു സിന്ഡിക്കേറ്റിന്റെ തീരുമാനം. ഇടതുപക്ഷക്കാരായ സിന്ഡിക്കേറ്റ് അംഗങ്ങളാണ് ഇതിന്റെ പിന്നിലെന്നു രമേശ് ചെന്നിത്തല ആരോപിച്ചു.
മന്ത്രിയുടെ െ്രെപവറ്റ് സെക്രട്ടറി അദാലത്തില് പങ്കെടുത്തതും വിഷയത്തില് ഇടപെട്ടതും ചട്ടവിരുദ്ധമാണെന്നും പ്രതിപക്ഷ നേതാവ് ആരോപിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ