തിരുവനന്തപുരം: സംസ്ഥാനത്ത് നാളെ ശക്തമായ മഴയ്ക്കു സാധ്യതയെന്നു കാലാവസ്ഥാ മുന്നറിയിപ്പ്. ജാഗ്രത ശക്തിപ്പെടുത്തുന്നതിനായി പത്തു ജില്ലകളില് യെല്ലോ അലര്ട്ട് പ്രഖ്യാപിച്ചു.
കൊല്ലം, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ക്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്. ഈ ജില്ലകളില് ശക്തമായ മഴയ്ക്കു സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു.
വ്യാഴാഴ്ച സംസ്ഥാനത്ത് നാലു ജില്ലകളിലാണ് യെല്ലോ അലര്ട്ട് ഉള്ളത്. കാസര്ക്കോട്, കണ്ണൂര്, കോഴിക്കോട്, ഇടുക്കി ജില്ലകളില് ഉള്ളവര്ക്കാണ് ജാഗ്രതാ നിര്ദേശം. വെള്ളിയാഴ്ച കോഴിക്കോട്, കണ്ണൂര്, കാസര്ക്കോട് ജില്ലകള്ക്കാണ് ജാഗ്രതാ നിര്ദേശമുള്ളത്.
കേരള തീരത്ത് വരുംദിവസങ്ങളില് മത്സ്യത്തൊഴിലാളികള്ക്കായി പ്രത്യേക കാലാവസ്ഥാ മുന്നറിയിപ്പില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ