കാസർഗോഡ്: ഓടിക്കൊണ്ടിരുന്ന കാറിനു മുകളിൽ മരം കടപുഴകി വീണ് ഡ്രൈവറിന് ദാരുണാന്ത്യം. 32കാരനായ സാജിദ് എന്ന യുവാവാണ് മരിച്ചത്. ഇയാൾക്കൊപ്പം കാറിലുണ്ടായിരുന്ന സുഹൃത്ത് ഗുരുതരനിലയിൽ മംഗളൂരുവിലെ സ്വകാര്യ ആശുപത്രിയിൽ ചികിത്സയിലാണ്. 27 വയസ്സ് പ്രായമുള്ള സഫ്രാൻ എന്ന യുവാവാണ് ചികിത്സയിലുള്ളത്.
ചെർക്കള-ജാൽസൂർ സംസ്ഥാന പാതയിൽ മുള്ളേരിയ പെരിയടുക്കയിൽ വച്ചായിരുന്നു അപകടം. ഇരുവരും സഞ്ചരിച്ചിരുന്ന മാരുതി 800 കാറിനു മുകളിലാണു മരം വീണത്. ഇന്നലെ ഉച്ചകഴിഞ്ഞാണ് അപകടമുണ്ടായത്. ജെസിബി ഉപയോഗിച്ചു കാറിന് മുകളിൽ നിന്ന് മരം നീക്കിയ ശേഷമാണ് ഇരുവരെയും പുറത്തെടുക്കാൻ കഴിഞ്ഞത്. ഉടൻതന്നെ ആശുപത്രിയിൽ എത്തിച്ചെങ്കിലും സാജിദിന്റെ ജീവൻ രക്ഷിക്കാനായില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ