ഭാര്യയെപ്പറ്റി മോശമായി പറഞ്ഞു; ബന്ധുവിന്റെ കാല്‍ വെട്ടിമാറ്റി; അറസ്റ്റ്

മറയൂരില്‍ ബന്ധുവിന്റെ കാലുവെട്ടിയ ശേഷം ഒളിവിലായിരുന്ന പ്രതി പിടിയില്‍
ഭാര്യയെപ്പറ്റി മോശമായി പറഞ്ഞു; ബന്ധുവിന്റെ കാല്‍ വെട്ടിമാറ്റി; അറസ്റ്റ്

ഇടുക്കി: മറയൂരില്‍ ബന്ധുവിന്റെ കാലുവെട്ടിയ ശേഷം ഒളിവിലായിരുന്ന പ്രതി പിടിയില്‍. കര്‍ശനാട് സ്വദേശി മുരുകനാണ് തമിഴ്‌നാട്ടിലേക്ക് കടക്കുന്നതിനിടെ പൊലീസിന്റെ പിടിയിലായത്. ദേവികുളം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

ചൊവ്വാഴ്ച രാവിലൊണ് മുരുകന്‍ മുന്‍പുണ്ടായ വാക്ക്തര്‍ക്കത്തെ തുടര്‍ന്ന് പിതാവിന്റെ സഹോദരനായ മുത്തുപാണ്ടിയുടെ കാല്‍ വെട്ടി മാറ്റിയത്.  തുടര്‍ന്ന്  തമിഴ്‌നാട്ടിലേക്ക് കടക്കും വഴിയാണ് മുരുകനെ പൊലീസ് സംഘം പിടികൂടിയത്. പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തി. 

കൃത്യത്തിനുപയോഗിച്ച വാക്കത്തി പ്രതിയുടെ വീടിന്റെ മേല്‍ക്കൂരയില്‍ ഒളിപ്പിച്ച നിലയില്‍ കണ്ടെത്തി. കഴിഞ്ഞ ദിവസം രാജപാളയത്തെ ബന്ധുവിട്ടിലെ കല്യാണ ചടങ്ങിന് പോകും വഴി തന്റെ ഭാര്യയെപ്പറ്റി മോശമായി പറഞ്ഞതിനെ തുടര്‍ന്നാണ് കൃത്യം ചെയ്തതെന്ന് മുരുകന്‍ പൊലീസില്‍ മൊഴി നല്‍കി.

മുരുകന്റെ ഭാര്യയെ മറ്റൊരാളുമായി ബന്ധപ്പെടുത്തി മുത്തുപാണ്ടി നാട്ടുകാരോട് പറഞ്ഞിരുന്നു. ഇതില്‍ പ്രകോപിതനായ മുരുകന്‍ കാന്തല്ലൂരിലേക്ക് തടിപ്പണിക്ക് പോകും വഴിയാണ് മുത്തുപാണ്ടിയെ കോവില്‍ക്കടവിന്  സമീപം കടയുടെ വരാന്തയില്‍ വെച്ച് ഇടത് കാല്‍ പൂര്‍ണമായും വെട്ടി മുറിച്ചിട്ടത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com