ന്യൂഡല്ഹി: ഫെഡറേഷന് ഓഫ് ഇന്ത്യന് പബ്ലിഷേഴ്സ് ഏര്പ്പെടുത്തിയ 2019ലെ മികച്ച പുസ്തകനിര്മ്മിതിക്കും രൂപകല്പനക്കുമുള്ള 13 ദേശീയപുരസ്കാരങ്ങള് ഡി സി ബുക്സിനു ലഭിച്ചു. 28 ന് ഡല്ഹിയില് വെച്ച് നടക്കുന്ന ചടങ്ങില് പുരസ്കാരങ്ങള് വിതരണം ചെയ്യും.
ജയമഹാഭാരതം, രാജാരവിവര്മ്മ-കൊളോണിയല് ഇന്ത്യയുടെ ചിത്രകാരന്, കൊറ്റിയും കുറുക്കനും, വിക്രമാദിത്യ ആന്റ് വേതാള്, പശുവും പുലിയും, ദി ഷാഡോ ഓഫ് ദി സ്റ്റീം എഞ്ചിന്, പ്രാചീന-പൂര്വ്വ- മധ്യകാല ഇന്ത്യാചരിത്രം, ഒരുവട്ടംകൂടി: എന്റെ പാഠപുസ്തകങ്ങള്, ഇന്ഡിക, കണ്ടല്ക്കാടുകള്, കിരാസേ, മാസികാവിഭാഗത്തില് ഡി സി ബുക്സ് പ്രസിദ്ധീകരിക്കുന്ന ബിസിനസ് മാസിക എമര്ജിങ് കേരള എന്നിവയുമാണ് വിവിധ പുരസ്കാരങ്ങള്ക്ക് അര്ഹമായത്. ഇന്ത്യയില് എഫ് ഐ പിയുടെ ദേശീയ പുരസ്കാരങ്ങള് ഏറ്റവും കൂടുതല് കരസ്ഥമാക്കിയത് ഡി സി ബുക്സ് ആണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ