പെരിന്തൽമണ്ണ: ലോക്ക്ഡൗണ് ലംഘിച്ച് ക്ഷേത്രത്തിൽ പൂജ നടത്തിയതിനും ആരാധനക്കെത്തിയതിനും ആറ് പേർക്കെതിരെ കേസ്. അമ്പലത്തിലെ പൂജാരിയും ജീവനക്കാരും ഭക്തരും ഉൾപ്പെടെയുള്ളവർക്കെതിരെയാണ് പൊലീസ് കേസെടുത്തിരിക്കുന്നത്.
പെരിന്തല്മണ്ണയിലെ ഏറാന്തോട് ശ്രീകൃഷ്ണ ക്ഷേത്രത്തിൽ ചൊവ്വാഴ്ച്ച വൈകീട്ടാണ് സംഭവം. പ്രദേശത്തെ പരിശോധനക്കിടെ പലരും ക്ഷേത്രത്തിൽപ്പോയി മടങ്ങുകയാണെന്ന് അറിയിച്ചതിന്റെ അടിസ്ഥാനത്തിലാണ് ക്ഷേത്രത്തിലെത്തി അന്വേഷണം നടത്തിയതെന്ന് പെരിന്തല്മണ്ണ സിഐ ശശീന്ദ്രൻ പറഞ്ഞു.
അന്വേഷണത്തിൽ ക്ഷേത്രത്തില് കൂടുതൽപ്പേര് എത്തിയെന്നറിഞ്ഞതോടെ പകർച്ച വ്യാധി നിയന്ത്രണ നിയമ പ്രകാരം കേസെടുക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ