തിരുവനന്തപുരം: കോവിഡ് 19 രോഗമുക്തി നേടിയവരുടെ എണ്ണത്തില് കേരളം ഇന്ത്യയില് മുന്നിലെന്ന് മുഖ്യമന്ത്രി പിണറായി വിജയന്. സംസ്ഥാനത്ത് നിരീക്ഷണത്തിലുള്ളവരുടെ എണ്ണം ഒരു ലക്ഷത്തില് താഴെയായെന്നും മുഖ്യമന്ത്രി പറഞ്ഞു.
സംസ്ഥാനത്ത് ഇപ്പോള് നിരീക്ഷണത്തിലുള്ളത് 97,464 പേരാണ്. 96, 942 പേര് വീടുകൡലാണ്. 522 പേര് ആശുപത്രിയിലാണ്. ഇന്ന് മാത്രം 86 പേരെ ആശുപത്രിയില് പ്രവേശിപ്പിച്ചു. ഇതുവരെ 16,475 സാമ്പിളുകളാണ് പരിശോധനയ്ക്ക് അയച്ചത്. 16,002 എണ്ണം രോഗബാധയില്ല. രോഗബാധയുണ്ടായ 387 പേരില് 264 പേര് വിദേശത്തുനിന്നും വന്നവരാണ്. 8 പേര് വിദേശികളാണ്. സമ്പര്ക്കംമൂലം രോഗമുണ്ടായത് 114 പേര്ക്കാണ്. ആലപ്പുഴ 5, എറണാകുളം 21 ഇടുക്കി 10, കണ്ണൂര് 9, കാസര്കോട് 187, കൊല്ലം 9 കോട്ടയം 3, കഴിക്കോട് 16 , മലപ്പുറം 21, പാലക്കാട് എട്ട്, പത്തനംതിട്ട 17, തിരുവനന്തപുരം 14,തൃശൂര് 13, വയനാട് 3 ഇതാണ് ഇതുവരെ രോഗം സ്ഥിരീകരിച്ചവരുടെ കണക്ക്.
സംസ്ഥാനത്ത് ഇന്ന് പുതുതായി ഒരാള്ക്ക് കൂടിയാണ് കോവിഡ് സ്ഥിരികരിച്ചത്. വൈറസ് ബാധ സ്ഥിരീകരിച്ചത് കണ്ണൂര് സ്വദേശിയ്ക്കാണ്. സമ്പര്ക്കം മൂലമാണ് ഇയാള്ക്ക രോഗം വന്നത്. ഇന്ന ഏഴുപേരുടെ ഫലം നെഗറ്റീവായി. കാസര്കോട് നാല്, കോഴിക്കോട് രണ്ട്, കൊല്ലം ഒന്ന് എന്നിങ്ങനെയാണ്. ഇതുവരെ സംസ്ഥാനത്ത് 387 പേര്ക്കാണ് രോഗം സ്ഥിരികരിച്ചത്. 167 പേര് ഇപ്പോള് ചികിത്സയിലാണെന്നും മുഖ്യമന്ത്രി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ