തിരുവനന്തപുരം: വയനാട് മെഡിക്കല്‍ കോളജിന് വേണ്ടിയുള്ള പുതിയ സ്ഥലമായെന്ന് ആരോഗ്യമന്ത്രി കെ കെ ശൈലജ. ആശുപത്രി നിര്‍മ്മാണത്തിനുള്ള മാസ്റ്റര്‍ പ്ലാന്‍ തയ്യാറായി വരികയാണ്.
നേരത്തെ നിശ്ചയിച്ച സ്ഥലം ഉപേക്ഷിക്കില്ല. അവിടെ അനുബന്ധ സൗകര്യങ്ങള്‍ ഒരുക്കുമെന്നും മന്ത്രി വ്യക്തമാക്കി. സംസ്ഥാനത്ത് ഇനി മെഡിക്കല്‍ കോളജുകളെക്കാള്‍ സൂപ്പര്‍ സ്‌പെഷ്യാലിറ്റി ആശുപത്രികളാണ് വേണ്ടതെന്നും മന്ത്രി അഭിപ്രായപ്പെട്ടു.
നിലവിലുള്ള ഭൂമിയില്‍ പ്രകൃതിദുരന്ത സാധ്യതയെന്ന് ജിയോളജിക്കല്‍ സര്‍വേ ഓഫ് ഇന്ത്യ റിപ്പോര്‍ട്ടിന്റെ അടിസ്ഥാനത്തിലാണ് വയനാട് മെഡിക്കല്‍ കോളജിന് വേണ്ടി പുതിയ സ്ഥലം കണ്ടെത്താന്‍ ശ്രമം ആരംഭിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
