പത്തനംതിട്ട: കോഴഞ്ചേരി ജില്ലാ ആശുപത്രിയില് കോവിഡ് ചികിത്സയിൽ കഴിയുന്ന 62കാരിയുടെ പരിശോധന ഫലം വീണ്ടും നെഗറ്റീവ്. തുടർച്ചയായി രണ്ടാം തവണയാണ് വീട്ടമ്മയുടെ ഫലം നെഗറ്റീവാകുന്നത്.
കഴിഞ്ഞ ദിവസം നടത്തിയ പരിശോധനയിലും ഇവരുടെ ഫലം നെഗറ്റീവായിരുന്നു. മുൻപ് 19 പ്രാവശ്യം ഇവരില് നടത്തിയ പരിശോധന ഫലം പോസീറ്റീവ് ആയത് ആരോഗ്യപ്രവര്ത്തകരെ വലിയ ആശങ്കയിലാഴ്ത്തിയിരുന്നു.
ഇറ്റലി കുടുംബവുമായുള്ള സമ്പര്ക്കത്തെ തുടർന്നാണ് ഇവര്ക്ക് കോവിഡ് ബാധിച്ചത്. കഴിഞ്ഞ 44 ദിവസമായി ഇവര് കോഴഞ്ചേരി ജില്ലാ ആശുപത്രിയില് ചികിത്സയിലാണ്. രോഗം ബാധിച്ച് ചികിത്സയിലായിരുന്ന ഇവരുടെ മകള് കഴിഞ്ഞ ദിവസം വീട്ടിലേക്ക് മടങ്ങിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ