കൊല്ലങ്കോട്: വിലങ്ങുവെച്ച കൈകൊണ്ട് പൊലീസുകാരന്റെ തലയ്ക്കടിച്ച് പ്രതി. അയല്വാസിയെ ആക്രമിക്കാന് ശ്രമിക്കുന്നതിന് ഇടയില് പിടിയിലായ വടവന്നൂര് മലയമ്പള്ളത്ത് ആകര്ഷ്(27) ആണ് സീനിയര് സിവില് പൊലീസ് ഓഫീസര് കെ രമേഷിന്റെ തലയ്ക്കടിച്ചത്.
ഒട്ടേറെ കേസുകളില് പ്രതിയാണ് ഇയാള്. സ്റ്റേഷന് അകത്ത് വെച്ചാണ് സംഭവം. ആകര്ഷിന്റെ ബന്ധുവായ സ്ത്രീയെ വെട്ടിപ്പരിക്കേല്പ്പിച്ച കേസില് ആകര്ഷിനെതിരെ പൊലീസില് മൊഴി നല്കിയ വ്യക്തിയെ ആക്രമിക്കാനെത്തിയപ്പോഴാണ് ഇവര് പൊലീസ് പിടിയിലായത്.
ആകര്ഷും സംഘവും ബൈക്കിലെത്തി ആയുധങ്ങള് ഉപയോഗിച്ച് വെട്ടാന് ശ്രമിക്കുകയായിരുന്നു. എന്നാല് ഇയാള് കയ്യിലുള്ള പണിയായുധവുമായി ആകര്ഷിന് നേരെ തിരിഞ്ഞു. ഈ സമയം കൊല്ലങ്കോട് പൊലീസ് എത്തുന്നതായുള്ള വിവരം ലഭിച്ചതോടെ ആകര്ഷും സംഘവും ഇവിടെ നിന്ന് രക്ഷപെട്ടെങ്കിലും മുഴുവന്പാടത്ത് വെച്ച് പൊലീസ് പിടിച്ചു. പിന്നാലെ സ്റ്റേഷനില് എത്തിച്ചപ്പോഴാണ് പൊലീസുകാരനെ വിലങ്ങ് വെച്ച കയ്യുമായി തലയ്ക്കടിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ