കൊച്ചി: സംസ്ഥാനത്ത് ഒരു കോവിഡ് മരണം കൂടി. എറണാകുളം സര്ക്കാര് മെഡിക്കല് കോളജില് കോവിഡ് ചികിത്സയിലായിരുന്ന ചേര്ത്തല തൃച്ചാറ്റുകുളം സ്വദേശി വാഴത്തറ വീട്ടില് പുരുഷോത്തമന് (84) മരിച്ചു.മരണം കോവിഡ് മൂലമാണെന്ന് സ്ഥിരീകരിക്കുന്നതിനായി സ്രവം ആലപ്പുഴയിലെ എന് ഐ വി ലാബിലേക്ക് അയച്ചു.
കടുത്ത വൃക്കരോഗവും പ്രമേഹവും രക്തസമ്മര്ദ്ദവുമുണ്ടായിരുന്നു. നില വഷളായതിനെ തുടര്ന്ന് എറണാകുളം ജനറല് ആശുപതിയില് നിന്നാണ് മെഡിക്കല് കോളേജിലേക്ക് മാറ്റിയത്. തുടർന്ന് ചികിത്സയിലിരിക്കേയാണ് മരണം സംഭവിച്ചത്. തിരുവനന്തപുരം കരകുളം പള്ളം സ്വദേശി ദാസനും കോവിഡ് ബാധിച്ചാണ് മരിച്ചത്. 72 വയസ്സായിരുന്നു.
വൃക്ക സംബന്ധമായ അസുഖങ്ങളുണ്ടായിരുന്ന ദാസൻ തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. കഴിഞ്ഞദിവസമാണ് ദാസൻ മരിച്ചത്. മരണശേഷം നടത്തിയ പരിശോധനയിലാണ് ഇന്ന് രോഗം സ്ഥിരീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ