പത്തനംതിട്ട : പുതിയ ബൈക്കിന്റെ റജിസ്ട്രേഷനുമായി ബന്ധപ്പെട്ട രേഖകളുമായി വീട്ടിൽ നിന്ന് ഇറങ്ങിയ യുവാവ് നദിയിൽ ചാടി. തണ്ണിത്തോട് മുരളി സദനം എം കെ പ്രസാദിന്റെ മകൻ ശബരിനാഥ് (26) ആണ് ആറ്റിൽ ചാടിയത്. പുതുതായി വാങ്ങിയ ബൈക്ക് പാലത്തിൽ കൊണ്ടുവന്ന വച്ച ശേഷമാണ് യുവാവ് അച്ചൻകോവിലാറ്റിലേക്ക് ചാടിയത്.
പാലത്തിൽ ബൈക്ക് നിർത്തി യുവാവ് ആറ്റിലേക്കു ചാടുന്നത് കണ്ട ആളുകൾ പൊലീസിൽ വിവരമറിയിക്കുകയായിരുന്നു. പൊലീസും അഗ്നിരക്ഷാ സേനയും തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. നദിയിൽ ജലനിരപ്പ് ക്രമാതീതമായി ഉയർന്നതിനാൽ തിരച്ചിൽ ദുഷ്കരമായിരുന്നു.
വലഞ്ചുഴി ഭാഗത്തു നിന്ന് കണ്ടെത്തിയ ശബരിനാഥിന്റെ ബാഗ് നാട്ടുകാർ പൊലീസിൽ ഏൽപിച്ചു. കേസെടുത്ത് അന്വേഷണം ആരംഭിച്ചിട്ടുണ്ട്. ബിടെക് ബിരുദധാരിയായ ശബരിനാഥ് സ്വകാര്യ ബാങ്കിലെ താൽക്കാലിക ജീവനക്കാരനാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ