തിരുവനന്തപുരം: തലസ്ഥാനത്ത് ലോക്ക്ഡൗൺ പിൻവലിച്ചു. തിരുവനന്തപുരം നഗരസഭാ പരിധിയിലാണ് ലോക്ക്ഡൗൺ പിൻവലിച്ചത്. നിയന്ത്രണങ്ങളിലെ ഇളവുകൾ ഇന്ന് അർധരാത്രി മുതൽ നിലവിൽ വരും. കണ്ടെയ്ൻമെന്റ് സോണുകളിൽ ഇളവുകൾ ബാധകമായിരിക്കില്ല.
കടകൾ രാവിലെ ഏഴ് മുതൽ വൈകീട്ട് ഏഴ് വരെ തുറക്കാം. ഹോട്ടലുകൾ രാവിലെ ഒൻപത് മുതൽ രാത്രി ഒൻപത് വരെ പ്രവർത്തിപ്പിക്കാം. മാളുകൾ, ഹൈപ്പർ മാർക്കറ്റുകൾ, ബാർബർ ഷോപ്പുകൾ എന്നിവയും തുറന്നു പ്രവർത്തിപ്പിക്കാൻ അനുമതിയുണ്ട്. അതേസമയം നിലവിൽ രാജ്യ വ്യാപകമായുള്ള ലോക്ക്ഡൗൺ നിയന്ത്രണങ്ങൾ തുടരും.
തലസ്ഥാനത്ത് ഇന്ന് 310 പേർക്കാണ് കോവിഡ് സ്ഥിരീകരിച്ചത്. ഇതിൽ 300 കേസുകളും സമ്പർക്കത്തിലൂടെയാണ്. അഞ്ച് ജില്ലകളിലും ഇന്ന് കോവിഡ് രോഗികളുടെ എണ്ണം നൂറ് കടന്നിട്ടുണ്ട്. മലപ്പുറം, പാലക്കാട്, എറണാകുളം, ആലപ്പുഴ, കോട്ടയം ജില്ലകളിലാണ് രോഗികളുടെ എണ്ണം നൂറ് കടന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
