കൊച്ചി: സ്വര്ണക്കടത്ത് കേസുമായി ബന്ധപ്പെട്ട് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിനെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്യുന്നു. കൊച്ചിയിലെ ഓഫീസിലേക്ക് വിളിച്ചുവരുത്തിയാണ് ചോദ്യം ചെയ്യുന്നത്. ശനിയാഴ്ച ഉച്ചയോടെയാണ് അദ്ദേഹം ഇ ഡി ഓഫീസില് എത്തിയത്.
ഇത് രണ്ടാമത്തെ തവണയാണ് ശിവശങ്കറിനെ ഇ ഡി ചോദ്യം ചെയ്യുന്നത്. കേസുമായി ബന്ധപ്പെട്ട് കൂടുതല് വിവരങ്ങള് അറിയാന് ശിവശങ്കറിനെ വീണ്ടും ചോദ്യം ചെയ്യുമെന്ന് ഇ ഡി വ്യക്തമാക്കിയിരുന്നു.
കേസിലെ മുഖ്യപ്രതി സ്വപ്ന സുരേഷിന് അടുത്ത ബന്ധമുണ്ടെന്ന് എന്ഫോഴ്സ്മെന്റ് ഡയറക്ടറേറ്റ് കോടതിയില് സത്യവാങ്മൂലം നല്കിയിരുന്നു. ഇ ഡിയുടെ അപേക്ഷയുടെ അടിസ്ഥാനത്തില് സ്വപ്നയുടെ കസ്റ്റഡി ഈ മാസം 17 വരെ നീട്ടിയിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ