മലപ്പുറം ജില്ലാ പഞ്ചായത്ത് പ്രസിഡന്റിന് കോവിഡ്; സമ്പര്‍ക്കത്തിലൂടെ ജില്ലയില്‍ ഇന്ന് 302 പേര്‍ക്ക് രോഗം

മലപ്പുറം ജില്ലാ പഞ്ചായത്ത് പ്രസിഡന്റ് എപി ഉണ്ണിക്കൃഷ്ണന് കോവിഡ് സ്ഥിരീകരിച്ചു
മലപ്പുറം ജില്ലാ പഞ്ചായത്ത് പ്രസിഡന്റിന് കോവിഡ്; സമ്പര്‍ക്കത്തിലൂടെ ജില്ലയില്‍ ഇന്ന് 302 പേര്‍ക്ക് രോഗം

മലപ്പുറം: മലപ്പുറം ജില്ലാ പഞ്ചായത്ത് പ്രസിഡന്റ് എപി ഉണ്ണിക്കൃഷ്ണന് കോവിഡ് സ്ഥിരീകരിച്ചു. ഇന്ന് നടത്തിയ പരിശോധനയിലാണ് കോവിഡ് സ്ഥീരീകരിച്ചത്. അതേസമയം കോവിഡ് ചികിത്സയിലായിരുന്ന ജില്ലാ പൊലീസ് മേധാവി യു അബ്ദുല്‍ കരീമിന്റെ പരിശോധനാ ഫലം നെഗറ്റീവായി. 

ആശുപത്രി വിട്ട അദ്ദേഹം റൂം ക്വാറന്റെനില്‍ തുടരും. 13നാണ് കോവിഡ് ഫലം പോസിറ്റീവ് ആയതിനെത്തുടര്‍ന്ന് മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്.

ജില്ലയില്‍ ഇന്ന് 322 പേര്‍ക്ക് കൂടി കോവിഡ് 19 സ്ഥിരീകരിച്ചു. 302 പേര്‍ക്കാണ് സമ്പര്‍ക്കത്തിലൂടെ രോഗബാധയുണ്ടായത്. ഇതില്‍ അഞ്ച് ആരോഗ്യ പ്രവര്‍ത്തകരുള്‍പ്പെടെ 10 പേര്‍ക്ക് ഉറവിടമറിയാതെയും 292 പേര്‍ക്ക് നേരത്തെ രോഗബാധിതരായവരുമായി നേരിട്ടുള്ള സമ്പര്‍ക്കത്തിലൂടെയുമാണ് രോഗം ബാധിച്ചത്. ഇന്ന് രോഗം സ്ഥിരീകരിച്ചവരില്‍ എട്ട് പേര്‍ ഇതര സംസ്ഥാനങ്ങളില്‍ നിന്നെത്തിയവരും ശേഷിക്കുന്ന 12 പേര്‍ വിവിധ വിദേശ രാജ്യങ്ങളില്‍ നിന്നെത്തിയവരുമാണ്. അതിനിടെ ജില്ലയില്‍ 263 പേര്‍ വിദഗ്ധ ചികിത്സക്ക് ശേഷം ഇന്ന് രോഗമുക്തരായി വീടുകളിലേക്ക് മടങ്ങി. ഇതുവരെ 3,415 പേരാണ് വിദഗ്ധ ചികിത്സക്ക് ശേഷം രോഗമുക്തരായി വീടുകളിലേക്ക് മടങ്ങിയത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com