തിരുവനന്തപുരം: സര്‍ക്കാരിന് എതിരായി ഉയരുന്ന ആരോപണങ്ങളെ പ്രതിരോധിക്കാന്‍ മന്ത്രിമാരോട് മുഖ്യമന്ത്രി പിണറായി വിജയന്റെ നിര്‍ദേശം. ഇതിനുവേണ്ടി മന്ത്രിമാര്‍ ജനങ്ങളിലേക്ക് ഇറങ്ങണമെന്നും അദ്ദേഹം നിര്‍ദേശിച്ചു. വികസന പ്രവര്‍ത്തനങ്ങള്‍ വിലയിരുത്താനായി വിളിച്ചു ചേര്‍ത്ത യോഗത്തിലാണ് മുഖ്യമന്ത്രി നിര്‍ദേശം മുന്നോട്ടുവച്ചത്.
സര്‍ക്കാര്‍ നേട്ടങ്ങള്‍ ജനങ്ങളിലേക്ക് എത്തിക്കുന്നതിനൊപ്പം സര്‍ക്കാരിന് എതിരായ ആരോപണങ്ങളും ഫലപ്രദമായി തടയണമെന്ന് അദ്ദേഹം നിര്‍ദേശിച്ചു.
തദ്ദേശ തെരഞ്ഞെടുപ്പ് അടുത്തുവരുന്ന സാഹചര്യത്തില്‍ പദ്ധതി പ്രവര്‍ത്തനങ്ങളില്‍ വീഴ്ച വരുത്തരുതെന്നും അദ്ദേഹം കൂട്ടിച്ചേര്‍ത്തു. പ്രഖ്യാപിച്ച പദ്ധതികള്‍ സമയബന്ധിതമായി പൂര്‍ത്തിയാക്കണം. കിഫ്ബി വഴി നടപ്പാക്കുന്ന പദ്ധതികളിലും ഈ ജാഗ്രത വേണമെന്നും മുഖ്യമന്ത്രി ഓര്‍മ്മിപ്പിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
