തിരുവനന്തപുരം: സെക്രട്ടേറിയറ്റില് തീപിടിത്തം. പ്രോട്ടോകോള് വിഭാഗത്തിലാണ് അപകടം നടന്നത്. നിര്ണായക ഫയലുകള് കത്തിനശിച്ചു. അഗ്നിശമന സേന എത്തി തീയണച്ചു.
അഞ്ചുമണിയോടെയാണ് സെക്രട്ടേറിയറ്റിലെ നോര്ത്ത് ബ്ലോക്കിലെ പ്രോട്ടോകോള് ഓഫീസില് നിന്ന് പുക ഉയരുന്നത് ജീവനക്കാരുടെ ശ്രദ്ധയില്പ്പെട്ടത്. തുടര്ന്ന് ഫയര്ഫോഴ്സിനെ അറിയിക്കുകയായിരുന്നു. തീപിടിത്തത്തില് ഓഫീസിലെ പല ഫയലുകളും കത്തിനശിച്ചതായാണ് റിപ്പോര്ട്ടുകള്.
സ്വര്ണക്കടത്ത് വിവാദവുമായി ബന്ധപ്പെട്ട് ഏറെ ചര്ച്ച ചെയ്യപ്പെട്ട വിഭാഗമാണ് സെക്രട്ടേറിയറ്റിലെ പ്രോട്ടോകോള് ഓഫീസ്. കമ്പ്യൂട്ടറില് നിന്നുള്ള ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് ജീവനക്കാര് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ