തിരുവനന്തപുരം: സംസ്ഥാനത്ത് ഇന്ന് 2397 പേർക്ക് കോവിഡ് സ്ഥിരീകരിച്ചു. 2137 പേർക്ക് സമ്പർക്കത്തിലൂടെയാണ് രോഗ ബാധ. 2225 പേർക്ക് രോഗ മുക്തി. ആറ് പേരാണ് ഇന്ന് മരിച്ചത്. കോവിഡ് അവലോകന യോഗത്തിന് ശേഷം നടത്തിയ വാർത്താസമ്മേളനത്തിൽ മുഖ്യമന്ത്രി പിണറായി വിജയനാണ് ഇക്കാര്യങ്ങൾ വ്യക്തമാക്കിയത്.
തിരുവനന്തപുരത്താണ് രോഗ ബാധിതർ കൂടുതലുള്ളത്. തിരുവനന്തപുരത്ത് 408 പേർക്കാണ് ഇന്ന് രോഗം സ്ഥിരീകരിച്ചത്. മൂന്ന് ജില്ലകളിൽ 200ലധികം പേർക്ക് രോഗ ബാധയുണ്ടായതായും മുഖ്യമന്ത്രി വ്യക്തമാക്കി.
ഇന്ന് ആറ് പേർ മരിച്ചതോടെ സംസ്ഥാനത്തെ മൊത്തം മരണം 280 ആയി. സംസ്ഥാനത്തെ മൊത്തം രോഗികളുടെ എണ്ണം എഴുപതിനായിരം കടന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ