കണ്ണൂര്: തദ്ദേശ തെരഞ്ഞെടുപ്പില് സിപിഎമ്മിന്റെ പ്രചാരണ പരിപാടികളില് പങ്കെടുക്കാന് മുഖ്യമന്ത്രി പിണറായി വിജയന് കണ്ണൂരിലേക്ക്. നാളെ മുതല് അഞ്ചുദിവസം കണ്ണൂരില് തെരഞ്ഞെടുപ്പ് പ്രചാരണ പരിപാടികള് പിണറായി വിജയന് വിലയിരുത്തും. കോവിഡ് വ്യാപനത്തിന് ശേഷം ഇതാദ്യമായാണ് മുഖ്യമന്ത്രി കണ്ണൂരില് എത്തുന്നത്.
അനൗദ്യോഗിക സന്ദര്ശനത്തില് സ്വന്തം മണ്ഡലമായ ധര്മ്മടത്തെ സിപിഎമ്മിന്റെ പഞ്ചായത്ത് കമ്മറ്റി തെരഞ്ഞെടുപ്പ് യോഗങ്ങളിലാണ് മുഖ്യമായി പങ്കെടുക്കുക. ധര്മ്മടത്തെ വികസന പ്രവര്ത്തനങ്ങളുടെ പുരോഗതി വിലയിരുത്താന് പദ്ധതി പ്രദേശങ്ങളും സന്ദര്ശിക്കും.
അതേസമയം ആദ്യഘട്ട തദ്ദേശതെരഞ്ഞെടുപ്പിന്റെ പരസ്യപ്രചാരണം ആവേശകരമായി തന്നെ സമാപിച്ചു. മുതിര്ന്ന നേതാക്കളും മന്ത്രിമാരുമെല്ലാം അവസാന ലാപ്പില് കളത്തിലറിങ്ങിയത് ആവേശം വര്ധിപ്പിച്ചു.പതിവ് കൊട്ടിക്കലാശമില്ലെങ്കിലും ആവശേത്തിന് ഒട്ടും കുറവില്ലായിരുന്നു. പലയിടത്തും പ്രചാരണം റോഡ് ഷോ ആയിത്തന്നെ മാറി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ