പത്തനംത്തിട്ട: സിനിമാതാരം അനുശ്രീ പ്രചാരണത്തിന് ഇറങ്ങിയ യുഡിഎഫ് സ്ഥാനാര്ത്ഥിക്ക് തോൽവി. ചെന്നീര്ക്കര പഞ്ചായത്തിലെ 12-ാം വാര്ഡ് കോണ്ഗ്രസ് സ്ഥാനാര്ത്ഥിയായ റിനോയ് വര്ഗീസാണ് പരാജയപ്പെട്ടത്. 411 വോട്ടുകള് നേടിയ സിപിഎമ്മിന്റെ എം ആര് മധുവാണ് വാര്ഡില് വിജയിച്ചത്. 11 വോട്ടിന്റെ ഭൂരിപക്ഷത്തിനാണ് ജയം. 132 വോട്ടുകള് മാത്രമാണ് റിനോയ്ക്ക് നേടാനായത്.
സിനിമയിൽ എത്തുന്നതിന് മുൻപുള്ള സൗഹൃദമാണ് അനുശ്രീയും റിനോയും തമ്മിലുള്ളത്. സുഹൃത്ത് വിജയിച്ചു കഴിഞ്ഞാൽ നാടിനു വേണ്ടി ചെയ്യാവുന്നത് പരമാവധി ചെയ്തു കൊടുക്കും എന്ന വിശ്വാസം തനിക്കുണ്ടെന്നും തെരഞ്ഞെടുപ്പ് പ്രചാരണത്തിൽ പങ്കെടുക്കവെ അനുശ്രീ പറഞ്ഞിരുന്നു. പരസ്യ പ്രചാരണത്തിലെ നടിയുടെ സാന്നിധ്യം കൂടുതല് വോട്ടുകള് നേടാൻ സഹായിക്കുമെന്നായിരുന്നു യുഡിഎഫ് പ്രതീക്ഷ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ