കണ്ണൂർ; തദ്ദേശ തെരഞ്ഞെടുപ്പ് പ്രചാരണത്തിനിടെ കാമുകനൊപ്പം ഒളിച്ചോടിയ ബിജെപി വനിതാ സ്ഥാനാർഥിയ്ക്ക് തോൽവി. കണ്ണൂര് മാലൂര് പഞ്ചായത്തില് ബിജെപി സ്ഥാനാര്ഥിയായി മത്സരിച്ച സി. ആതിര വമ്പൻ തോൽവി ഏറ്റുവാങ്ങിയത്. 38 വോട്ടുകൾ മാത്രമാണ് ഇവർക്ക് ലഭിച്ചത്. 706 വോട്ടുകൾ നേടിയ സിപിഎം സ്ഥാനാർഥി രേഷ്മ സജീവൻ ആണ് വിജയിച്ചത്.
സ്ഥാനാർത്ഥി പ്രഖ്യാപനം കഴിഞ്ഞ് പ്രചാരണം ആരംഭിച്ചതിന് പിന്നാലെയാണ് ഭർത്താവിനെയും കുട്ടിയേയും ഉപേക്ഷിച്ച് ആതിര കാമുകനൊപ്പം ഒളിച്ചോടിയത്. കാസര്ഗോഡ് ബേഡകത്തുള്ള കാമുകനൊപ്പമാണ് നാടുവിട്ടത്. ഇവർ പിന്നീട് വിവാഹിതരാകുകയും ചെയ്തു. അതേസമയം, മാലൂർ പഞ്ചായത്തിൽ മറ്റൊരു വാർഡിൽ എൻഡിഎ സ്ഥാനാർഥിയായി മത്സരിച്ച ആതിരയുടെ ഭർത്താവ് ധനേഷും തെരഞ്ഞെടുപ്പിൽ പരാജയപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ