തിരുവനന്തപുരം: കോവിഡ് ബാധിച്ച കവയത്രി സുഗതകുമാരിയുടെ നില അതീവ
ഗുരുതരമെന്ന് മെഡിക്കല് റിപ്പോര്ട്ട്. തിരുവനന്തപുരം മെഡിക്കല് കോളജ് തീവ്ര പരിചരണ വിഭാഗത്തില് വെന്റിലേറ്റര് സഹായത്തിലാണ് ചികില്സ. ഹൃദയത്തിന്റെ പ്രവര്ത്തനത്തിനും തരാര് സംഭവിച്ചിട്ടുണ്ട്.
മരുന്നുകളോട് പൂര്ണമായും പ്രതികരിക്കുന്നില്ലെന്ന് ആശുപത്രി അധികൃതര് അറിയിച്ചു. തിങ്കളാഴ്ചയാണ് സുഗതകുമാരിയെ തലസ്ഥാനത്തെ സ്വകാര്യ ആശുപത്രിയില് നിന്നും മെഡിക്കല് കോളേജ് ആശുപത്രിയില് പ്രവേശിപ്പിച്ചത്. കോവിഡ് സ്ഥിരീകരിച്ച സുഗതകുമാരിയ്ക്ക് ആശുപത്രിയിലെത്തുമ്പോള് ബ്രോങ്കോ ന്യുമോണിയയെ തുടര്ന്നുള്ള ശ്വാസതടസമാണ് പ്രധാന പ്രശ്നമായി ഉണ്ടായിരുന്നത്. ആശുപത്രിയില് പ്രവേശിപ്പിച്ചയുടന് തീവ്രപരിചരണത്തില് വെന്റിലേറ്ററിലേയ്ക്ക് മാറ്റുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ