പ്രത്യേക നിയമസഭാ സമ്മേളനത്തിന് അനുമതി തേടി മന്ത്രിമാര്‍ ഗവര്‍ണറെ കാണും

സംസ്ഥാനത്തിന്റെ പൊതു വികാരമാണ് വിഷയം ചര്‍ച്ച ചെയ്യാന്‍ അടിയന്തര യോഗം വിളിക്കുന്നതിലുള്ളതിലുള്ളതെന്ന് മന്ത്രിമാര്‍ അറിയിക്കും
ഗവര്‍ണര്‍ ആരിഫ് മുഹമ്മദ് ഖാന്‍/ഫയല്‍ ചിത്രം
ഗവര്‍ണര്‍ ആരിഫ് മുഹമ്മദ് ഖാന്‍/ഫയല്‍ ചിത്രം

തിരുവനന്തപുരം : കര്‍ഷക സമരം ചര്‍ച്ച ചെയ്യാന്‍ പ്രത്യേക നിയമസഭ സമ്മേളനത്തിന് അനുമതി തേടി മന്ത്രിമാര്‍ ഗവര്‍ണറെ കാണും. കൃഷിമന്ത്രി വി എസ് സുനില്‍ കുമാര്‍, നിയമമന്ത്രി എ കെ ബാലന്‍ എന്നിവരാണ് ഗവര്‍ണര്‍ ആരിഫ് മുഹമ്മദ് ഖാനെ കാണാന്‍ പോകുന്നത്. രാജ്ഭവനില്‍ ഉച്ചയ്ക്ക് 12.30 നാണ് കൂടിക്കാഴ്ച.

സംസ്ഥാനത്തിന്റെ പൊതു വികാരമാണ് വിഷയം ചര്‍ച്ച ചെയ്യാന്‍ അടിയന്തര യോഗം വിളിക്കുന്നതിലുള്ളതിലുള്ളതെന്ന് മന്ത്രിമാര്‍ ഗവര്‍ണറെ അറിയിക്കും. അതിന് അനുസരിച്ച് പ്രവര്‍ത്തിക്കാന്‍ ഗവര്‍ണര്‍ ബാധ്യസ്ഥനാണെന്നും മന്ത്രിമാര്‍ ഗവര്‍ണറെ അറിയിക്കും. 

കര്‍ഷക സമരം ചര്‍ച്ച ചെയ്യാന്‍ അടിയന്തര നിയമസഭ സമ്മേളനം ഈ മാസം 31 ന് വിളിച്ചുചേര്‍ക്കാന്‍ ഇന്നലെ ചേര്‍ന്ന മന്ത്രിസഭായോഗം ഗവര്‍ണറോട് ശുപാര്‍ശ ചെയ്തിരുന്നു. നേരത്തെ ഈ മാസം 23 ന് അടിയന്തര സമ്മേളനം വിളിക്കണമെന്ന സര്‍ക്കാരിന്റെ ആവശ്യം ഗവര്‍ണര്‍ തള്ളിക്കളഞ്ഞിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com