പഴകുളത്ത് ഉളള ആര്‍ക്കോ ലോട്ടറി അടിച്ചതായി പറഞ്ഞു; ഫലം നോക്കിയപ്പോള്‍ 'അടിച്ചു മോനേ' 65ലക്ഷം!

സ്ഥിരമായി ഭാഗ്യക്കുറി എടുക്കുന്ന ഇതരസംസ്ഥാന തൊഴിലാളിയെ ഭാഗ്യദേവത കടാക്ഷിച്ചു
പഴകുളത്ത് ഉളള ആര്‍ക്കോ ലോട്ടറി അടിച്ചതായി പറഞ്ഞു; ഫലം നോക്കിയപ്പോള്‍ 'അടിച്ചു മോനേ' 65ലക്ഷം!

പത്തനംതിട്ട: സ്ഥിരമായി ഭാഗ്യക്കുറി എടുക്കുന്ന ഇതരസംസ്ഥാന തൊഴിലാളിയെ ഭാഗ്യദേവത കടാക്ഷിച്ചു.സംസ്ഥാന സര്‍ക്കാരിന്റെ വിന്‍ വിന്‍ ഭാഗ്യക്കുറിയുടെ ഒന്നാം സമ്മാനമായ 65 ലക്ഷം രൂപയാണ് ബംഗാള്‍ സ്വദേശി ഹപീസ് ആലത്തിനെ തേടി എത്തിയത്. 6 വര്‍ഷമായി പഴകുളത്ത് താമസിച്ച് മേസ്തിരി പണി ചെയ്തു വരികയാണ്.

പഴകുളം ശ്രീകൃഷ്ണ ലോട്ടറി ഏജന്‍സിയില്‍ നിന്നാണ് ലോട്ടറി എടുത്തത്. തിങ്കളാഴ്ച വൈകീട്ട് ജോലി കഴിഞ്ഞ് താമസ സ്ഥലത്ത് എത്തിയപ്പോള്‍ അവിടെയുള്ളവരാണ് പഴകുളത്ത് ഉള്ള ആര്‍ക്കോ ലോട്ടറി അടിച്ചതായി പറയുന്നത്. അങ്ങനെ ലോട്ടറിയുടെ ഫലം നോക്കിയപ്പോഴാണ് ഒന്നാം സമ്മാനം ലഭിച്ച വിവരം ഹപീസ് അറിയുന്നത്. ഇന്നലെ എസ്ബിഐ പഴകുളം ശാഖയില്‍ ലോട്ടറി എല്‍പിക്കുകയും ചെയ്തു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com