കൊച്ചി: ഒടുവിൽ വൈറ്റില മേൽപ്പാലം നിർമാണം പൂർത്തിയാകുന്നു. വിവാദങ്ങളും ആശങ്കകളും അസ്ഥാനത്താക്കിയാണ് പ്രഖ്യാപിച്ച സമയത്ത് തന്നെ പണി പൂർത്തിയാക്കുന്നത്. അടുത്ത മാസം അവസാനത്തോടെ പാലം പൂർണ സജ്ജമാകുമെന്ന് കരാറുകാരായ രാഹുൽ കൺസ്ട്രക്ഷൻസ് അധികൃതർ വ്യക്തമാക്കി. പണികൾ തൊണ്ണൂറ്റിയഞ്ച് ശതമാനവും പൂർത്തിയാക്കി പെയിന്റിങ് അടക്കം മിനുക്കു പണികളിലേക്ക് കടന്നു.
മെട്രോ പാലത്തിൽ ലോറി തട്ടുമോ, പണിത് വന്നപ്പോൾ പൊക്കം കൂടിപ്പോയ പാലം പാലാരിവട്ടം മോഡൽ പണി തരുമോ തുടങ്ങിയ വലിയ ചോദ്യങ്ങൾക്കെല്ലാം ഏതാണ്ടൊരു 50 ദിവസത്തിനകം ഉത്തരമാകും. മാർച്ച് 31നുള്ളിൽ പണി തീർത്ത് ഗതാഗതിത്തിനായി തുറന്നു കൊടുക്കാമെന്ന് നിർമാണ കമ്പനി ഉറപ്പ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ