അച്ഛന്റെ കൊലപാതകിയുടെ കുടുംബത്തോട് കാരുണ്യഹസ്തം; വീടും സ്ഥലവും മടക്കി നല്‍കുന്നു

മാത്യുവില്‍ നിന്ന് വാങ്ങിയ പണം തിരികെ നല്‍കാത്തതിനാല്‍ തന്റെ അഞ്ച് സെന്റിലെ വീടും സ്ഥലവും മാത്യുവിന് അനീഷ് തീറെഴുതി കൊടുത്തു
അച്ഛന്റെ കൊലപാതകിയുടെ കുടുംബത്തോട് കാരുണ്യഹസ്തം; വീടും സ്ഥലവും മടക്കി നല്‍കുന്നു

തലയോലപ്പറമ്പ്:  അച്ഛനെ കൊലപ്പെടുത്തിയ വ്യക്തിയുടെ കുടുംബത്തിന് വീടും സ്ഥലവും തിരികെ നല്‍കി മക്കള്‍. തലയോലപ്പറമ്പിലെ പണമിടപാടുകാരനായ കാലായില്‍ മാത്യുവിനെ കൊലപ്പെടുത്തിയ കേസിലെ പ്രതി അനീഷിന്റെ കുടുംബത്തിനാണ് തലചായ്ക്കാന്‍ വീടും സ്ഥലവും മാത്യുവിന്റെ കുടുംബം നല്‍കുന്നത്. 

വീടിന്റേയും സ്ഥലത്തിന്റേയും രേഖകള്‍ അനീഷിന്റെ അച്ഛന് കൈമാറും. മാത്യുവിനെ കൊലപ്പെടുത്തിയ കേസില്‍ ശിക്ഷ അനുഭവിക്കുകയാണ് അനീഷ്. മാത്യുവം അനീഷും തമ്മിലുള്ള സാമ്പത്തിക ഇടപാടുകളാണ് കൊലയിലേക്ക് നയിച്ചത്. 

മാത്യുവില്‍ നിന്ന് വാങ്ങിയ പണം തിരികെ നല്‍കാത്തതിനാല്‍ തന്റെ അഞ്ച് സെന്റിലെ വീടും സ്ഥലവും മാത്യുവിന് അനീഷ് തീറെഴുതി കൊടുത്തു. ഇതിനെ തുടര്‍ന്നുണ്ടായ വിരോധമാണ് കൊലയിലേക്ക് നയിച്ചത്. കൊല നടന്ന് അഞ്ച് വര്‍ഷത്തിന് ശേഷം അനീഷിന്റെ അച്ഛനാണ് കൊലക്ക് പിന്നില്‍ തന്റെ മകനാണെന്ന് മാത്യുവിന്റെ മക്കളെ അറിയിച്ചത്. 

തലയോലപ്പറമ്പ് സെയിന്റ് ജോര്‍ജ് പള്ളിവികാരി റവ. വര്‍ഗീസ് ചെരപ്പറമ്പില്‍ കേസ് അന്വേഷണം നടത്തുന്ന വൈക്കം സിഐ നവാസ് എന്നിവരുടെ സാന്നിധ്യത്തിലാണ് ഭൂമി കൈമാറുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com