കൊച്ചി : കൊച്ചി മെട്രോ പുതിയ ദൂരം കീഴടക്കാനൊരുങ്ങുകയാണ്. മെട്രോയുടെ തൈക്കൂടത്തു നിന്നും പേട്ടയിലേക്കുള്ള പാതയില് പരീക്ഷണ ഓട്ടം ഇന്ന് നടക്കും. രാവിലെ ഏഴു മുതല് ഒമ്പതു വരെയാണ് പരീക്ഷണ ഓട്ടം നടക്കുക. ഇതിന്റെ ഭാഗമായി തെക്കൂടം-പേട്ട സെക്ഷനിലെ തേഡ് റെയിലിലും അനുബന്ധ കേബിളുകളിലും പുലര്ച്ചെ മുതല് വൈദ്യുതി കടത്തിവിട്ടു.
പൊതുജനങ്ങള് ജാഗ്രത പാലിക്കണമെന്ന് മെട്രോ അധികൃതര് നിര്ദേശിച്ചു. തൈക്കൂടം-പേട്ട സെക്ഷനില് സര്വീസ് ആരംഭിക്കുന്നതിന് മുന്നോടിയായുള്ള പ്രധാന നടപടിയാണ് പരീക്ഷണ ഓട്ടം. മാര്ച്ച് 31 ന് മുമ്പായി പേട്ടയിലേക്ക് സര്വീസ് നടത്താനാകുമെന്നാണ് പ്രതീക്ഷിക്കപ്പെടുന്നത്.
ഈ റൂട്ടിലെ 90 ശതമാനം സിവില് ജോലികളും ഇതിനകം പൂര്ത്തിയായിട്ടുണ്ട്. സിഗ്നലിങ് ജോലികളാണ് ഇപ്പോള് പുരോഗമിക്കുന്നത്. കഴിഞ്ഞവര്ഷം സെപ്തംബറിലാണ് മഹാരാജാസ് കോളജില് നിന്നും തൈക്കൂടത്തേക്ക് മെട്രോ സര്വീസ് ആരംഭിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ