ആലപ്പുഴ: പൊലീസിന് നേരെ കഞ്ചാവ് സംഘത്തിന്റെ ആക്രമണം. കായംകുളത്താണ് സംഭവം. ആലപ്പുഴ ജില്ലാ പൊലീസ് മേധാവിയുടെ സ്ക്വാഡിന് നേരെ കഞ്ചാവ് സംഘം കുരുമുളക് സ്പ്രേ പ്രയോഗിക്കുകയായിരുന്നു. വൈകീട്ട് അഞ്ച് മണിയോടെയാണ് ആക്രമണമുണ്ടായത്.
കഞ്ചാവ് സംഘവുമായുള്ള കൈയാങ്കളിയിൽ ഷാഫി എന്ന പൊലീസുകാരന് പരിക്കേറ്റു. ഇയാളെ കായംകുളം താലൂക്ക് ആശുപത്രിയിൽ പ്രവേശിപ്പിച്ചു.
കഞ്ചാവ് സംഘത്തിലെ ഒരാളെ പൊലീസ് പിടികൂടി. കായംകുളം സ്വദേശി ഇർഫാൻ ആണ് പിടിയിലായത്. ഇയാള്ക്കൊപ്പമുണ്ടായിരുന്ന മൂന്ന് പേർ രക്ഷപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ