കാസർകോട്: ജില്ലാ അധ്യക്ഷ സ്ഥാനത്തെ ചൊല്ലി ബിജെപി കാസർകോട് ജില്ലാ കമ്മിറ്റിയിൽ ഭിന്നത. രാഷ്ട്രീയ പ്രവർത്തനം അവസാനിപ്പിക്കുകയാണെന്ന് രവീശ തന്ത്രി കുണ്ടാർ വ്യക്തമാക്കി. രാജിക്കത്ത് പാർട്ടി നേത‌ൃത്വത്തിന് അയച്ചതായും രവീശ തന്ത്രി പറഞ്ഞു.
ഗ്രൂപ്പിന്റെ ഭാഗമല്ലാത്തവർക്ക് പാർട്ടിയിൽ വളരാനുള്ള സാഹചര്യമില്ലെന്ന് രവീശ തന്ത്രി കുണ്ടാർ ആരോപിച്ചു. പാർട്ടി നേതൃത്വവുമായി യോജിച്ച് പോകാൻ സാധിക്കില്ലെന്നും അദ്ദേഹം പറഞ്ഞു.
ബിജെപി സംസ്ഥാന സമിതി അംഗമാണ് രവീശ തന്ത്രി. കഴിഞ്ഞ ലോക്സഭാ തെരഞ്ഞെടുപ്പിലും നിയമസഭാ ഉപ തെരഞ്ഞെടുപ്പിലും ബിജെപിയുടെ സ്ഥാനാർത്ഥിയായി മത്സരിച്ചത് രവീശ തന്ത്രിയായിരുന്നു. കാസർകോട് ജില്ലാ അധ്യക്ഷനായി കെ ശ്രീകാന്തിനെ നിയമിച്ചതിന് പിന്നാലെയാണ് രവീശ തന്ത്രി രംഗത്തെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
