തലമുടി ഒതുക്കികൊടുത്ത് കോട്ട് ധരിപ്പിച്ച് കിംഗ് ഖാൻ; മലയാളി വിദ്യാർത്ഥിനിക്ക് ഷാറൂഖിന്റെ സ്കോളർഷിപ്പ്, വിഡിയോ
മുംബൈ: ദി ഷാരൂഖ് ഖാന്‍ ലാ ട്രോബ് യൂണിവേഴ്‌സിറ്റി സ്‌കോളര്‍ഷിപ്പ് സ്വന്തമാക്കി തൃശ്ശൂര്‍ സ്വദേശി ഗോപിക കൊട്ടന്‍തറയില്‍ ഭാസി. കാര്‍ഷിക മേഖലയിലെ പഠനത്തിനാണ് ഗോപിക സ്‌കോളര്‍ഷിപ്പ് നേടിയത്. മുംബൈയില്‍ വച്ചു നടന്ന ചടങ്ങില്‍ ഷാരൂഖ് ഗോപികയ്ക്ക് സ്‌കോളര്‍ഷിപ്പ് സമ്മാനിച്ചു.
രാജ്യത്തെ വിവിധഭാഗങ്ങളില്‍ നിന്നായി 800ഓളം വിദ്യാര്‍ഥികള്‍ അപേക്ഷിച്ചതിൽ നിന്നാണ് മലയാളി വിദ്യാര്‍ഥിനി നേട്ടം സ്വന്തമാക്കിയത്. വിദ്യാഭ്യാസത്തില്‍ വിശ്വസിക്കുന്ന ആളാണ് താനെന്നും ഗോപികയുടെ അര്‍പ്പണബോധത്തെയും കഠിനാധ്വാനത്തെയും പ്രകീര്‍ത്തിക്കുന്നെന്നും ഗോപികയെ അഭിനന്ദിച്ചുകൊണ്ട് ഷാറൂഖ് പറഞ്ഞു. ലാ ട്രോബ് സർവകലാശാലയിൽ ഗവേഷണം ചെയ്യാനുള്ള മഹത്തരമായ അവസരമാണ് ഗോപികയെ തേടിയെത്തിയിരിക്കുന്നത്. ഇന്ത്യയുടെ കാര്‍ഷിക മേഖലയ്ക്ക് ഈ പെണ്‍കുട്ടി ഒരു മുതല്‍കൂട്ടാകട്ടെ, താരം കൂട്ടിച്ചേർത്തു.
സ്ത്രീകളുടെ ഉന്നമനത്തിനായുള്ള ഷാരൂഖിന്റെ പ്രവര്‍ത്തനങ്ങളെ ആദരിക്കുന്നതിന്റെ ഭാഗമായാണ് ലാ ട്രോബ് സർവകലാശാല ഇത്തരത്തിലൊരു സ്കോളർഷിപ് അവതരിപ്പിച്ചത്. കഴിഞ്ഞ വർഷം മുതലാണ് ഷാറൂഖിന്റെ പേരില്‍ സ്‌കോളര്‍ഷിപ്പ് വിതരണം ചെയ്യാന്‍ തുടങ്ങിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
