ജനശതാബ്ദി എക്‌സ്പ്രസിന്റെ കോച്ച് പാളം തെറ്റി, ഇന്ത്യന്‍ ഓയില്‍ പമ്പിന്റെ മതിലിലേക്ക് ഇടിച്ചു കയറി

ഷണ്ടിങ് യാര്‍ഡില്‍ നിര്‍ത്തിയിട്ടിരുന്ന ട്രെയിന്‍ പിറകിലേക്കു കൊണ്ടുപോയപ്പോഴാണ് പാളം തെറ്റിയത്
ഫയല്‍ ചിത്രം
ഫയല്‍ ചിത്രം

തിരുവനന്തപുരം : കണ്ണൂര്‍ ജനശതാബ്ദി എക്‌സ്പ്രസിന്റെ ഒരു കോച്ച് പാളം തെറ്റി ഇന്ത്യന്‍ ഓയില്‍ പമ്പിന്റെ മതിലിലേക്ക് ഇടിച്ചു കയറി. ഞായറാഴ്ച പുലര്‍ച്ചെ നാലുമണിയോടെയാണ് സംഭവം. ഷണ്ടിങ് യാര്‍ഡില്‍ നിര്‍ത്തിയിട്ടിരുന്ന ട്രെയിന്‍ പിറകിലേക്കു കൊണ്ടുപോയപ്പോഴാണ് പാളം തെറ്റിയത്. കോച്ചുകളുടെ എണ്ണത്തിലുള്ള പ്രശ്‌നം കാരണമാണ് പാളം തെറ്റിയതെന്നാണ് റിപ്പോര്‍ട്ടുകള്‍.

നാലരയോടെ ജീവനക്കാര്‍ വന്ന് പ്രശ്‌നങ്ങള്‍ പരിഹരിച്ച് ട്രെയിന്‍ തിരിച്ച് ഷണ്ടിങ് യാര്‍ഡിലേക്കു മാറ്റി. ഇന്ന് ഉച്ചയ്ക്കു ശേഷം 2.45നാണ് ട്രയിന്‍ പുറപ്പെടേണ്ടത്. കേടുപാടുകള്‍ തീര്‍ത്ത് കൃത്യസമയത്തു തന്നെ ട്രെയിന്‍ പുറപ്പെടുമെന്നാണ് റെയില്‍വേ അധികൃതര്‍ അറിയിച്ചിട്ടുള്ളത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com