ഷോക്കേറ്റ് ആന ചരിഞ്ഞു; പുല്ലുപറിക്കാന്‍ എത്തിയ ആള്‍ ആനക്കൊമ്പുമുറിച്ച് വീട്ടില്‍ പോയി
By സമകാലിക മലയാളം ഡെസ്‌ക്‌ | Published: 09th January 2020 08:22 AM |
Last Updated: 09th January 2020 08:22 AM | A+A A- |
കോതമംഗലം; നേര്യമംഗലത്ത് ഷോക്കേറ്റ് ചരിഞ്ഞ ആനയുടെ ജഡത്തില്‍ നിന്ന് കാണാതായ ആനക്കൊമ്പ് വനപാലകര്‍ കണ്ടെടുത്തു. സമീപപ്രദേശത്തു നടത്തിയ അന്വേഷണത്തിലാണ് പ്രദേശവാസിയുടെ വീട്ടില്‍ നിന്ന് കൊമ്പ് കണ്ടെത്തിയത്. നേര്യമംഗലം ഫോറസ്റ്റ് റേഞ്ചിലെ വാളറ സ്‌റ്റേഷന്‍ പരിധിയിലെ കുളമാംകുഴി പാട്ടയെടുത്ത് ആദിവാസി ഊരിനും മധ്യേ സ്വകാര്യവ്യക്തിയുടെ സ്ഥലത്താണ് ആനയുടെ മൃതദേഹം കണ്ടെത്തിയത്.
25 വയസിലധികം തോന്നിക്കുന്ന കൊമ്പന്റെ ജഡത്തിന് ആറ് മാസം പഴക്കമുണ്ടായിരുന്നു. കൊമ്പുകള്‍ നഷ്ടപ്പെട്ട നിലയിലായിരുന്നു. തുടര്‍ന്ന് നടത്തിയ അന്വേഷണത്തില്‍ പ്രദേശത്ത് സ്ഥിരമായി പുല്ലുപറിക്കാന്‍ വരുന്ന ഒരാളെക്കുറിച്ച് വിവരം കിട്ടി. ഇയാളുടെ വീട്ടിലും പരിസരത്തും നടത്തിയ പരിശോധനയ്ക്കിടെയാണ് വീടിന്റെ പിറകു വശത്തുനിന്ന് രണ്ട് കൊമ്പുകള്‍ കണ്ടെടുത്തത്.
