കൽപ്പറ്റ : വയനാട് മേപ്പാടിയില്‍ ഹോംസ്റ്റേയുടെ ചില്ലുകള്‍ അടിച്ചുതകര്‍ത്തു. ആക്രമണത്തിന് പിന്നിൽ മാവേയിസ്റ്റുകളാണെന്ന് പൊലീസ് അറിയിച്ചു. ഹോംസ്റ്റേയുടെ ചുമരില്‍ മാവോയിസ്റ്റുകളുടെ പോസ്റ്ററുകളും പതിച്ചിട്ടുണ്ട്. ഇന്നലെ രാത്രിയാണ് സംഭവം.
രാവിലെ സ്ഥലത്തെത്തിയ കാവല്‍ക്കാരനാണ് ചില്ലുകള്‍ തകര്‍ത്തിട്ടിരിക്കുന്നതും, സിപിഐ (മാവോയിസ്റ്റ്)ന്റെ പേരിലുള്ള പോസ്റ്ററുകളും കണ്ടത്. മാവോയിസ്റ്റ് നാടുകാണി ഏരിയ കമ്മിറ്റിയുടെ പേരിലാണ് പോസ്റ്ററുകൾ പതിച്ചിരിക്കുന്നത്. ആദിവാസി സ്ത്രീകളോടു മോശമായി പെരുമാറരുതെന്ന് പോസ്റ്ററിൽ താക്കീത് നൽകുന്നു.
മേപ്പാടി അട്ടമലയില്‍ സ്ഥിതിചെയ്യുന്ന ഹോം സ്റ്റേ ബംഗളൂരു സ്വദേശിയുടേയാണ്. മേപ്പാടി പൊലീസ് സ്ഥലത്തെത്തി അന്വേഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
