'കേരള ഗവര്‍ണര്‍ ഭരണഘടന മനസിലാക്കിയിട്ടില്ല, നിയമസഭയുടെ അധികാരങ്ങള്‍ അറിയില്ല'; വിമര്‍ശനവുമായി യെച്ചൂരി
By സമകാലിക മലയാളം ഡെസ്‌ക്‌ | Published: 16th January 2020 09:37 PM |
Last Updated: 16th January 2020 09:51 PM | A+A A- |
തിരുവനന്തപുരം: കേരള ഗവര്‍ണര്‍ ആരിഫ് ഖാനെതിരെ വിമര്‍ശനവുമായി സിപിഎം ജനറല്‍ സെക്രട്ടറി സീതാറാം യെച്ചൂരി. കേരള ഗവര്‍ണര്‍ ഭരണഘടന മനസിലാക്കിയിട്ടില്ലെന്ന് യെച്ചൂരി പറഞ്ഞു.
പൗരത്വ ഭേദഗതി നിയമത്തില്‍ കേരള നിയമസഭ പ്രമേയം പാസാക്കുകയും, സുപ്രീംകോടതിയെ സമീപിക്കുകയും ചെയ്ത വിഷയങ്ങളിലൂന്നി ഗവര്‍ണറും
സംസ്ഥാന സര്‍ക്കാരും പോരിലേക്ക് നീങ്ങുന്നതിന് ഇടയിലാണ് യെച്ചൂരിയുടെ വിമര്‍ശനം. ഗവര്‍ണറുടെ നിലപാട് നിര്‍ഭാഗ്യകരമാണെന്ന് യെച്ചൂരി പറഞ്ഞു.
സംസ്ഥാനത്തിന്റേയും നിയമസഭയുടേയും അധികാരങ്ങള്‍ എന്തെന്ന് ഗവര്‍ണര്‍ക്ക് മനസിലായിട്ടില്ല. ഭരണഘടനാമൂല്യങ്ങള്‍ ഉയര്‍ത്തിപ്പിടിക്കേണ്ട പ്രസ്താവനകളാവണം ഗവര്‍ണര്‍ നടത്തേണ്ടത്. നിര്‍ഭാഗ്യവശാല്‍ അതിന് വിരുദ്ധമായ പരാമര്‍ശങ്ങളാണ് ഗവര്‍ണര്‍ നടത്തുന്നതെന്ന് യെച്ചൂരി പറഞ്ഞു.
